Máciya 25:30 - Jola-Kasa

³⁰ Ban alokaawu ummu ayilaatumuu wahoowah akaan, jibetenool tíyaŋ li élimayi, ban jíl̥okaju jommuu, li sílaamasu sáamakasu.”

Máciya 25:30 Referencias Cruzadas

Máciya 13:42

Kumalakaabuku fan kubeteniil li sambun sáamak, dán emmuu baj jíl̥ok li sílaam sáamak.

Máciya 13:50

Banumuu emalakaayi fan ebeten bukanabuku kajakutumuu li sambun sáamak, dán emmuu baj jíl̥ok li sílaam sáamak.

Máciya 22:13

Muñeˈe áyiiyawu li aan kulokaabuku koola: “Jijenk kootaku li kuŋenaku koola, ban li jitebool jibeten tíyaŋ li élimayi, ban jíl̥okaju jommuu, li sílaamasu.”

Máciya 24:51

Anahaanawu fan atek alokaawu kútek kásengiye. Ban fan aŋalool akaan li káhoolomuu, ban jíl̥okaju jommuu li sílaamasu sáamakasu.

Máciya 3:10

Jíkaanum, hufiikumahu hukaani huban tin huhaalahu hata unuunukenawu feh boot kafalen. Kama bunuunuken banooban baatutumuu bubaj ebukoolum yajake, fan bufaleni beten li sambun.

Máciya 5:13

— Bukuluul jinokoonokoo loon musis li tut bukanabuku kata adunaayi. Bale kacabaku kata musisamu kúfulumuu, buu luyilo ukaan mo min mulaañen mucab? Let mujak kakaan li wahoowah. Fan mubeteni tíyaŋ, ésukayi ékakul.

Máciya 8:12

Bale kaateenumuu kunoken li Jáyiiyaju jata Ateemit, fan kubeteni tíyaŋ li élimayi, ban jíl̥okaju jommuu, li sílaam sáamak.

Hulimahu Hásuumaahu loon Lík akiic homuu 13:28

To untu, to jíl̥okaju jommuu li sílaam sáamak, bukuluul bajuke Abulaham, Isaak li Sakob, li kufulofetaku, ban bukuluul li kubetenuul tíyaŋ.

Hulimahu Hásuumaahu loon Saŋ akiic homuu 15:6

An alakowutumuu lí ínje, fan abeteni tíyaŋ loon hulund min asay. Kulundaku kasayimuu, fan kuwomeni beten li sambun min kúsulo.

Eleetalayi yan Fool akiicumuu Tit 3:14

Bukanabuku koololaal koote kuhanken min kuliiken kakaan wah wajake, boot bil kalambenoo li wah wan jokolaal li wo ŋáa’, jakum bil kubaj buloŋ babajut jáliŋ.

2 Fiyeel 2:17

Bukanabuku umbu kunokoonokoo loon úbulen wasaye, li kunokoo foof loon ufaal wan búlus báamak butuuñene buwujetum. Ateemit lakatiikat to boot min abil akaaniil li élimayi yahaŋumuu malako tifij.

Eleetalayi yan Súd akiicumuu 1:13

Bakaanelabu booliil basuuneniyaabu bunokoonokoo li ñikon ñan kulambaj kata hal hatiñe kúbetenulo. Li kunokoo foof li siwuutasu sammuu li emitayi saliijoole bomuu muñaˈa. Ateemit lacookoole tan sommuu silako akat to li élimayi yáamakayi boot nanoonan.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.