Máciya 25:14 - Jola-Kasa

¹⁴ — Jáyiiyaju jata Ateemit fan jikittenoolumi li ánayine alakowe li ajow kañaahoo, li áhooñul kulokaabuku koola, min aŋa’ ebajayi yoola aseniil kookenool.

Máciya 25:14 Referencias Cruzadas

Máciya 21:33

— Jijanten bukittenoolum bakee: Bile baj an ata etaam al̥uke úbiiñ li bul̥ib. Nan al̥ukumuu úbiiñawu aban, li ateef hukalab áwooñen bul̥ibabu. Ban li awok tan ammuu anaak al̥uuten kúul̥aku kata úbiiñawu, ban foof li ateef káfooyum kagimbe. Nan abanumuu feh, li akat bul̥ibabu li kuŋen kata kuloka úbiiñ min bil kunaak kucaamool to joola, min akila ajow kañaahoo.

Maak 13:34

Eláañulayi yata Añool-An fan ekittenoolumi li ánayine alakowe li ajow kañaahoo, li akat kulokaaku koola eluufayi yoola kooken. Ban, li asen anoowan li buko bulok ban ammuu li akaan. Muñeˈe li aan ánayinaawu afooyumuu kámbiilaku ajuke to jakum abil ámooli.

Hulimahu Hásuumaahu loon Lík akiic homuu 20:9

Fúlum tó, Yéesu li alob ésukayi bukittenoolumabu umbe: — Bile baj ánayine akee al̥uke úbiiñ li bul̥ib aban, li akat bul̥ibabu li kuŋen kuloka úbiiñ min kubil kunaak kucaamool to joola, min akila ajow kañaahoo kan aate afiyowul.

1 Kata Koolent 12:4

Baje úji wanoowan wábutoole, bale Buyinumabu banolabu busene wo.

1 Kata Koolent 3:5

Kama Afolos waa laam? Fool waa laam? Alóli kuloka bale joom kata Ateemit, kájiwuulumuu li jíyinen li Kilisita. Anoowan li áloli lakankaan bulokabu ban Amaaŋenawu asenoolumuu kakaan.

Kata Efées 4:11

Akila Kilisita humumool akaanumuu kukee kulako kufootal, kukee foof li kulako kuwaaleya kata Hulimahu Hásuumaahu, kaabuku li kulako kumata kata bukanabuku kata Ateemit, ban li kunaak foof kuliikeniil Hulimahu hata Ateemit.