Máciya 24:3 - Jola-Kasa

³ Emmuu Yéesu lajowujow abah li huyuuyahu hata unuunukenawu wan koonemuu Olíibiye, kúgoomaku koola li kúkoojulool baleyiil min kugel̥l̥enool koonool: — Ulóboli, nay wahawu unwu wóomi li ubaj? Waa wóomi li úhiis ebilayi yooli li kabanaku kata adunaayi?

Máciya 24:3 Referencias Cruzadas

Máciya 13:36

Fúlum tó, Yéesu li akat to búsukabu min ajow anoken li eluufayi dán alakomuu. Muñeˈe kúgoomaku koola li kúkoojulool min koonool: — Uhéboli bukittenoolumabu bata emaanobasuuwayi yalakomuu li kal̥aakaku, waa bufañe bulob.

Máciya 13:49

Muñaˈa foof emmuu bil nokoo nan buloŋabu umbe bommuu li buban. Emalakaayi fan ebil égitul bukanabuku kajakutumuu li bukanabuku kátuulumuu Hulimahu hata Ateemit.

Máciya 15:12

Muñeˈe kúgoomaku kata Yéesu li kúkoojulool min koonool: — Luhaasumuu oon kulimaku kan Kufaaliisiyeŋaku kujamimuu li ulob kúsengiyiisengi?

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 17:19

Kúgoomaku li kúkoojul Yéesu min kugel̥l̥enool buko baleyiil, koonool: — Wáa újiye óloli jiyilaat jikesoo buyinumabu umbu bajakutaabu búfu’ li añiilawu?

Máciya 21:1

Nan Yéesu li kúgoomaku, buko báliiŋe li ésukayi yata Betifaase li huyuuyahu hata unuunukenawu wan koonemuu Olíibiye, Yéesu li áhooñul bukan kúl̥uba li kúgoomaku koola min aboñiil,

Máciya 24:27

Mata loon kawiwijenaku kata emitayi kujukeyimuu Akiw boot yok Jalaŋ, mo foof ebilayi yata Añool-An yommuu li enokoo.

Máciya 24:30

Muñeˈe no húhaasumahu hata Añool-An hommuu hujuki li emitayi. Esúkayi feh yammuu li etaamayi fan el̥okoo, ban fan ejuk Añool-An li abilumul li ufaalawu wata emitayi, li sembe li máyiineni máamak ló.

Máciya 24:37

Mata wahawu wabaj nomuu li taŋayi yata Nówe, wo foof wommuu li ubaj nan Añool-An ammuu li álaañul.

Máciya 24:39

Bukanabuku kuhaasut koon wah unwu li ubaj, boot yok nan malamu máamakamu mubilumuu mutebiil foofiil feh muwujetum. Muñaˈa foof emmuu li bil nokoo nan Añool-An ammuu li álaañul.

Máciya 24:43

Jihaas kaanaku, an ata eluufool ahaaseenemmuu ewaatu yay li ehukaayi ákuuwawu áami li abil, manooman fan ákaanum, ban let akat ákuuwawu min ásuuh eluufayi yoola min ánokenul.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Hulimahu Hásuumaahu loon Lík akiic homuu 21:7

Muñeˈe bukanabuku li kugel̥l̥en Yéesu koonool: — Anahaan, waa woote ulako búhiisenum nan wahawu unwu wommuu ulako li úliiŋ?

Bakaanelabu 1:7

Yéesu li aaniil: — Bukuluul utumuul ulet bo mata min jihaas nan taŋayi li kunakaku kommuu li kúliiŋ, mata Atuubaawu acob ko li húnongum hoola.

Eébulo 9:26

Letumuu mo, kama fan álaameen ñameeŋe kábilum nan adunaayi ejuul̥imuu. Li mal̥egenamu, Kilisita lálaŋuulaŋul ñano ban kale muñeˈe, nan adunaayi ebanumee, boot kasenoolo okila humumool loon kasila, boot káfulen kahoofoolaku.