Máciya 24:27 - Jola-Kasa

²⁷ Mata loon kawiwijenaku kata emitayi kujukeyimuu Akiw boot yok Jalaŋ, mo foof ebilayi yata Añool-An yommuu li enokoo.

Máciya 24:27 Referencias Cruzadas

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 24:26

«Mó mújimuu koonuulumuu: “Jijuke, ummu li kayiinaayaka!”, jakum jijow bo. Mantee foof li koonuul: “Jijuke, ummu min ayolowe li úfitawu!”, jakum jíyinen.

Máciya 24:3

Emmuu Yéesu lajowujow abah li huyuuyahu hata unuunukenawu wan koonemuu Olíibiye, kúgoomaku koola li kúkoojulool baleyiil min kugel̥l̥enool koonool: — Ulóboli, nay wahawu unwu wóomi li ubaj? Waa wóomi li úhiis ebilayi yooli li kabanaku kata adunaayi?

Máciya 24:37

Mata wahawu wabaj nomuu li taŋayi yata Nówe, wo foof wommuu li ubaj nan Añool-An ammuu li álaañul.

Máciya 24:39

Bukanabuku kuhaasut koon wah unwu li ubaj, boot yok nan malamu máamakamu mubilumuu mutebiil foofiil feh muwujetum. Muñaˈa foof emmuu li bil nokoo nan Añool-An ammuu li álaañul.

Máciya 24:44

Mó mújimuu bukuluul foof jíkaanum, mata Añool-An fan álaañul nan jiyinooleenut joon no láami li álaañul.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Saak 5:8

Bukuluul foof jikokkoben, ban li jítuk lit, mata ebilayi yata Amaaŋenawu ékoojulo.

2 Fiyeel 3:4

ban li kunaak koon: «Inti laanuusaan boot min abil? Kama okila ummay? Situubawolaal sihaan sikete siban, ban kábilum nan adunaayi ejuul̥imuu boot síyaat wahoowah úbutoolut.»