Máciya 24:24 - Jola-Kasa

²⁴ Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan wah wáamak wájaahaleniye boot jabunt buko bayiliyeene, maayeet bukanabuku humumiil kan Ateemit al̥usumuu kulako koola.

Máciya 24:24 Referencias Cruzadas

Máciya 22:14

Mata bukan kameeŋe kúhooñuli, bale kal̥usimuu kufamut.»

Máciya 24:11

Bukan kámale koon buko kufulofet koom, fan kúfulul ban fan kubunt bukan kameeŋe.

Máciya 24:22

Ban Ateemit ajokeenutumuu min áyaakul kunakaku unku, an let aloŋ. Bale láyaakuuyaakul ko humum hata bukanabuku kan al̥usumuu kulako koola.

Máciya 24:25

Muñeˈe lilobuulobumuu ikat to.

Máciya 24:31

Nan kasiinaku káamakaku kommuu li kul̥oki, Añool-An fan áboñul kumalakaaku koola kujow boot tanootan li etaamayi, kujow kuwomen bukanabuku kan al̥usumuu, kítum li hulej haahe hata etaamayi boot li haaha.

Máciya 24:5

Mata bukan kameeŋe fan kubil min kuŋa’ kajawaku kúmbaam min koonuul buko kommuu Afakenaawu! Ban fan kubunt bukan kameeŋe.

Máciya 7:15

— Jíkaanum bukanabuku kaanemuu efulofet koom ban let mal̥egen. Kúlohuluulumuu, li kukaan loon buko bukan kajake, ban káta láalayiil, sijangibujal salume.

Maak 13:22

Mata bukan kámale koon buko kufakena koom, li bukan kámale koon buko kufulofet koom, fan kubil kúfulul. Fan kunaak kukaan búhiisenum li bújaahalenum mata min kuyiliyeen, li kubunt bukanabuku kan Ateemit al̥usumuu kulako koola.

Hulimahu Hásuumaahu loon Lík akiic homuu 18:7

Waa, Ateemit akila let atiib min akooŋen bukanabuku koola kal̥okoolewoolumuu etihunaka kuban ehuka mantee li alambeniil? Waa, fan akat to fiyo átowum alambeniil?

Hulimahu Hásuumaahu loon Saŋ akiic homuu 4:48

Yéesu li aanool: — Bukuluul jijukutumuu búhiisenum li wah wájaahaleniye let jíyinen maayeet!

Hulimahu Hásuumaahu loon Saŋ akiic homuu 6:37

Anoowan an Atuubaawu asenom fan abil búmba, ban an abilumuu búmba manooman let ibetenool tíyaŋ,

Hulimahu Hásuumaahu loon Saŋ akiic homuu 6:39

Húnongumahu hata Anawu áboñulommuu ho hommuu jakum an li bukanabuku kan asenommuu ájim, bale min iyitenumuliil li eketayi li hunakahu húbanumahu.

Bakaanelabu 20:16

Fool, li ajok li mal̥egen min ájowum Efées, ban let ayiten to, jakum bil afiyo li etaamayi yata Aasi. Li alako esommen mantee li ayiliyeen, li áliiŋ Yeelusalem li hunakahu hata kagaanaku kata Fantokot.

Kata Lom 12:18

Nokoomuu loon kayiliwuma, ban li ñooluul bale, jiloŋ li kásuumaay li bukanabuku feh.

Kata Galasi 4:15

Kama ésuumahukowayi yooluul yata no inyay? Li mal̥egenamu, ínje liyilo ilob kaanaku jiyiliyeenumuu, fan jíkool̥ul kúkilaku kooluul jisenom.

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

1 Fiyeel 1:5

Wahawu unwu feh boot li bukuluul, jan Ateemit afooyemuu li sembaasu soola humum hata káyinenaku, boot li kafakaku kooluul, kaano tomuu boot min bil Ateemit áhiis ko li hunakahu húbanumahu.

2 Fiyeel 3:17

Bale bukuluul jammuu kutuyom kan iboolaat, muñeˈe jijame. Joote kama jíkaanum. Jakum jikat bukanabuku kaakutumuu esuuwum min kúguuhenuul, ban jakum jífu’ li huyitahu hooluul habajaahu sembe.

1 Saŋ 2:18

Kuñoolom, taŋayi ébanumayi ékoojulo! Jijanjam kaanaku Alatoola ata Kilisita fan abil. Ban muñeˈe baje kulatoola kameeŋe kata Kilisita. Wahawu unwu újimuu luhaasaale oonaal taŋayi ébanumayi éliiŋe.

1 Saŋ 2:22

Kama ayimaa ammuu ámalamiñawu? Inti anawu aceeŋumuu kaanaku Yéesu ammuu Kilisita? Anawu ummu okila ammuu alatoolaawu ata Kilisita; ban li aceeŋ aan Ateemit ammuu Atuubaawu, Yéesu li áami Añiilawu.

1 Saŋ 5:18

Luhaasaale oonaal an áami añiil ata Ateemit let anaak akaan kahoofoo, mata Añiilawu ata Ateemit lafooyoofooy, ban Sayitaane let ayili li akila wahoowah.

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.