Máciya 24:14 - Jola-Kasa

¹⁴ Hulimahu unhu Hásuumaahu hata Jáyiiyaju fan huwaaleyi tanootan li adunaayi feh, min lako búhiisenum boot li ésukayi feh. Banumuu, kabanaku kata adunaayi li kukit kúliiŋul.

Máciya 24:14 Referencias Cruzadas

Máciya 10:7

Jilakomuu ejowayi li jinaak jiwaale joon: «Jáyiiyaju jata Ateemit jíkoojulo!»

Máciya 18:19

«Fan ilaañen eenuul, bukan kúl̥uba li bukuluul kujamoomuu li etaamaye min kul̥aw wah, Atuubawom ammuu haatiya fan aseniil wo.

Máciya 24:3

Emmuu Yéesu lajowujow abah li huyuuyahu hata unuunukenawu wan koonemuu Olíibiye, kúgoomaku koola li kúkoojulool baleyiil min kugel̥l̥enool koonool: — Ulóboli, nay wahawu unwu wóomi li ubaj? Waa wóomi li úhiis ebilayi yooli li kabanaku kata adunaayi?

Máciya 24:6

Fan jijam bukanabuku li kulob mata kutiik, li mata koone kata kutiik. Bale sákoluul. Mata wahawu unwu wóotisooti ubaj. Bale let fan lako kabanaku kata adunaayi.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 13:10

Hulimahu Hásuumaahu hoote hujand huyiiŋeni li sihetasu feh.

Hulimahu Hásuumaahu loon Lík akiic homuu 2:1

No unnu, áyiiyawu áamakawu an koonemuu Ogús li alob min kucob bukanabuku feh kakinumuu li Jáyiiyaju jata Lom.

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Lík akiic homuu 4:5

Sayitaane li aŋiten Yéesu haŋ máloyi, min áhiisool yan li mano úyiiyawu feh wata etaamayi.

Bakaanelabu 1:2

boot yok hunakahu nan Ateemit akaanoolumuu ajow boot li emitayi. Yéesu lal̥ul̥l̥us bukan kulako kufootal átowum ajow boot li emitayi. Ban lalobiilob no wahawu feh wan kommuu li kukaan akila bajeˈe. Wahawu wan Yéesu aaniilumuu kukaan, li sembe sata Buyinumabu Banabaabu lálobum wó.

Bakaanelabu 11:28

Akee li buko an koone Agábus li alob ákibben, li búkaanum bata Buyinum Banabaabu aan, let fiyo min bamuufaay báamak bubaj li etaamayi feh. (Mal̥egen bamuufaayabu li bubil bubaj nan Kúlod alakomuu áyiiyawu áamakawu.)

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

Bakaanelabu 17:6

Emmuu kutookutiil bo, li kújokul Saasoŋ li kukee káyinene, kújowetum jow kusen kunahaanaku kata ésukayi, ban li kunaak kulob butiya koon: — Kánayinaabuku umbuku kúgugguul̥ etaamayi feh, ban muñeˈe kuŋejulo baabe!

Bakaanelabu 19:27

Kulimaku unku inti bulokabu boololaal bale koote kukajen, bale foof fan kukajen kajawaku kata eluufayi yata ateemitawu áamakawu anaalaawu Alitemis. Esúkayi let elaañen eluukenool, okila an bukanabuku feh kakinumuu li etaamayi yata Aasi, li kata adunaayi feh, kumanenemuu!

Bakaanelabu 20:25

«Libiibil boot booluul foofuul feh min iwaalewuul Jáyiiyaju jata Ateemit, bale muñeˈe, lihaase jak kaanaku, anoowan li bukuluul let alaañen ajukom buul.

Kata Lom 10:18

Kama boot min igel̥l̥en een: Kama kusuwifaku kujamut hulimahu unhu? Kujanjam ho feh! Bakiicelabu bonsoon: «Hulimahu hooliil hujamijam li etaamayi feh, balobelabu booliil li bujow boot yok tan etaamayi ekibumuu.»

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

Kata Kolos 1:6

Hulimahu unhu Hásuumaahu hunhu min huyiisoolemuu, ban li húŋalul kásooniyen li adunaayi feh, loon foof hukaanumuu li bukuluul yaan li hunakahu hútinaalahu, nan jijamumuu li kulobuul mata kájiyaku kata Ateemit li mal̥egenamu mata ko feh ban li jiliitiken ko jak.

Eébulo 1:6

Ban foof nan Ateemit áboñulumuu li adunaayi inye añoolool ajandumuu abuki, lansaan: «Kumalakaaku feh kata Ateemit, koote kumanenool.»

Eébulo 2:5

Li mal̥egenamu, adunaayi yammuu li ebil yan ulobaalemuu mata yo, Ateemit aŋalut yo abet li kuŋen kata emalaka.

Búhiisenumabu 14:6

Fúlum tó, li ijuk amalaka akee li anaak áyititoo haatiya tiya emitayi. Li aaken Hulim Hásuume hata boot nanoonan, han aate alob bukanabuku feh kakinumuu li etaamayi, kata sihetasu feh, kata utoŋawu feh, kata silobasu feh li kata sísukasu feh.

Búhiisenumabu 16:14

Li mal̥egenamu, laalu uyinum wata kummalaku kakaanemuu wah wájaahaleniye. Uyinumawu unwu fan unaak ujow boot bata kúyiiyaku kata etaamayi feh bájum li uwoogeniil boot li hutiikahu hata hunakahu háamakahu hata Ateemit ata sembe.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.