Máciya 23:8 - Jola-Kasa

⁸ Bale bukuluul jakum jikat an min ahooñuul «anahaan.» Mata anahaan ano bale jibaje. Ban bukuluul feh batuyaay.

Máciya 23:8 Referencias Cruzadas

Máciya 10:25

Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 23:10

Jakum foof jikat an min ahooñuul «Anahaan». Mata anahaan ano bale jibaje, ammuu Kilisita.

Máciya 23:7

Li kufañ ŋáa’ min bukanabuku kunaak kusaafiil li waayeenawu, ban li kunaak kuhooñiil kooniil: «Anahaan!»

Máciya 26:25

Sudaas ammuu li abet Yéesu li kuŋen bukan, li agel̥l̥enool aanool: — Anahaan, waa fíle, ínje? Yéesu li aanool: — Awu humumi lúlobulo mó.

Máciya 26:49

Muñeˈe Sudaas li ayaan ajow boot tan Yéesu alakomuu, áliiŋ li aanool: — Lisaafi, Anahaan! Ban li agaabool.

Maak 10:51

Yéesu li agel̥l̥en ánayinaawu aanool: — Waa lufañe min ikaan boot li awu? Anáyinaawu li aanool: — Anahaan, ukaanom min ilaañen ijuk.

Maak 11:21

Muñeˈe Fiyeel li awayil̥o buu jówoolummuu, li aan Yéesu: — Anahaan, ujuke, bul̥el̥uwabu ban oonumuu an let alaañen atiñ mutiñaayamu mata bo, busaye.

Maak 14:45

Muñeˈe nan Sudaas ayaane áliiŋulumuu, li ajow boot tan Yéesu alakomuu áliiŋ li aanool: — Anahaan! Ban li agaabool.

Maak 9:5

Fiyeel li aan Yéesu: — Anahaan, jaajak min ulakowaal taate. Ukaanaal úfooyum úhaaji. Kano boot li awu, kano boot li Móyiis, kaaku boot li Elí.

Hulimahu Hásuumaahu loon Lík akiic homuu 22:32

Bale lil̥awul̥aw boot li awu jakum bil ukat káyinen lí ínje. Bale nan ommuu úlaañul búmba, uliten káyinenaku kata kutuyi.

Hulimahu Hásuumaahu loon Saŋ akiic homuu 1:38

Yéesu li ágegul, li ajuk aan kúgoomaku kúnabuunabul li akila. Li agel̥l̥eniil aaniil: — Waa jiŋese li wo? Li koonool: — Labi, bay lukine? (Labi, yo yommuu «Aliikena.»)

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 11:8

Kúgoomaku koola li koonool: — Anahaan, fiyowut nan Kusuwifaku kufañeenumuu min kuteki kuyitik kumuk, li umit ufañ min ulaañ boot bo?

Hulimahu Hásuumaahu loon Saŋ akiic homuu 20:16

Yéesu li aanool: — Mali! Mali li átiiwo ajooŋoo li Yéesu, ban li aanool li elobayi yata Eébulo: — Lábuni! (Yo yommuu «Anahaan».)

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 3:26

Kúgoomaku li kujow kujuk Saŋ min koonool: — Anahaan, luwayil̥owe ánayinaawu alakomuu tan ulakomuu kageb kaaka katunkaku kata Suuludeŋ, an unaake ulobumuu li okila? Ehee’! ummu muñeˈe li kábatiise, ban ésukayi feh li enaak ejow boola.

Hulimahu Hásuumaahu loon Saŋ akiic homuu 4:31

Muñeˈe no unnu, kúgoomaku li koon Yéesu: — Anahaan, kama ufan uŋa’ wah ukee utiñ!

Hulimahu Hásuumaahu loon Saŋ akiic homuu 6:25

Nan búsukabu butookumuu Yéesu kalimben kaaka húwajahu, li bugel̥l̥enool boonool: — Anahaan, kama nay lúŋejulo baabe?

Hulimahu Hásuumaahu loon Saŋ akiic homuu 9:2

Kúgoomaku koola li kugel̥l̥enool koonool: — Anahaan, wáa újiye ánayinaawu ummu li abuki máfuume? Mantee kahoofoolool kújiye, mantee kata sibukoolawool?

2 Kata Koolent 1:24

Alóli jilet li huŋes min jituuŋuul min jíyinen li wahawu wan áloli jifañumuu min bukuluul jíyinen li wo, mata káyinenaku kooluul kuliilit, bale jifañe min jílokum dín dáno li bukuluul boot li ésuumahukow yooluul.

2 Kata Koolent 4:5

Li mal̥egenamu, li kawaaleyaku kan áloli jiwaaleˈemuu, let kúkowoli jiyiiŋene, bale Yéesu Kilisita ammuu Amaaŋenawu jiyiiŋene. Alóli kuloka kooluul joom, humum hata Yéesu.

Kata Efées 3:15

an emmuu butoŋ banooban báami li emitayi li etaamayi li akila bóomum tó.

Filemoŋ 1:16

Ban jakum uyabool loon amiikeel laam, bale uyabool jak haŋ ŋáa’ amiikeel: loon atuyi an uboolaat. Injé humumom, Onéesim atuyom an iboolaat laam, háŋum awu jan emmuu ani laam ban li áami foof atuyi li Amaaŋenawu.

Saak 3:1

Kutuyom, jakum bukan kameeŋe li bukuluul kulako kuliikena kata Hulimahu. Mata jihaase joon áloli jammuu kuliikena Hulimahu, Ateemit fan bil átiiboli haŋ másengi bukan kaabuku.

1 Fiyeel 5:3

Jakum jiŋes kágooten bukanabuku kan kusenuulumuu jooken, bale jilako bukittenoolum bajake boot li bumatabu.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.

Búhiisenumabu 22:9

Amalakaawu li aanom: — A’aa’! Jakum ukaan mo! Injé aloka leem loon awu, loon kutuyi kammuu kufulofet, li loon foof bukanabuku feh kátukumuu jak kulimaku kata éliibalayi inyu. Ateemit bale lóotimuu umanen!