Máciya 22:44 - Jola-Kasa

⁴⁴ «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli boot yok nan emmuu iŋa’ kulatoolayi ikaani úkakul”.»

Máciya 22:44 Referencias Cruzadas

Máciya 22:45

«Kama Dayit ahooñoolumuu Amaaŋen, buu Afakenaawu ayilo alako bale Añool Dayit?»

Máciya 26:64

Yéesu li aanool: — Lúlobulo mo awu humumi. Bale fan eenuul: Kítum muñeˈe, fan jijuk Añool-An mabahe kaŋen káli kata Ateemit ata sembe, li abilumul li ufaalawu wata haatiya emitayi.

Maak 16:19

Nan Amaaŋenawu Yéesu alobiilumuu kulimaku unku aban, Ateemit li aŋalool ájowetum boot li emitayi, ajow akaanool abah kaŋenool kúli.

Hulimahu Hásuumaahu loon Lík akiic homuu 19:27

Muñeˈe kulatoolawom, kafañutumuu min ilako áyiiyawu ooliil, jíŋaluliil taate, min jimukiil hákilom.”»

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 15:25

Li mal̥egenamu, Kilisita laate alako áyii boot yok nan Ateemit ammuu li aheek kulatoolawool feh, ban li aŋaliil asenool ákakul.

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

Eébulo 1:13

Ateemit ámusut aan akee li kumalakaaku koola: «Ubil ubah kaŋenom kúli, boot yok nan emmuu li ikaani kulatoolayi úkakul.»

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Búhiisenumabu 19:19

Fúlum tó, li ijuk énuukuleŋayi yákoyileniyaayi li kúyiiyaku kata etaamayi boot li kusollaaliyaku kooliil ló, mawonnoole boot hutiik li anawu alemboomuu li efilinjebaayi li kusollaaliyaku koola.