Máciya 22:24 - Jola-Kasa

²⁴ — Anahaan, Móyiis lansaan: «Anáyine aketumuu ban aŋañenut, atuyool li atowo aseekool, mantee li kubukoo bañiil boot li ánayinaawu aketumuu.»

Máciya 22:24 Referencias Cruzadas

Máciya 22:16

Li kúboñul kúgoomaku kooliil li bukanabuku kata hujojahu hata Elod kujow koon Yéesu: — Anahaan, jihaase joon awu an alobe mal̥egen. Ban luliikeneliiken bukanabuku li mal̥egen buu kommuu kunaak kuloŋ loon Ateemit afañumuu. Ukóliwut anoowan, mata újukeleliit li buul.

Máciya 22:25

Ban bajeene li óloli kutuyaay koono hutok li kúl̥uba. Atínaalawu li ayab anaale aban li aket. Emmuu kubajut bañiil, atuyool li atowo aseekool.

Máciya 22:36

— Anahaan, eluwa yay ehaŋumuu li siluwaasu feh?

Máciya 7:21

— Inti bukanabuku feh kaanewommuu: «Amaaŋen, Amaaŋen», kóomi li kunoken li Jáyiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li Jáyiiyaju jata Ateemit.

Maak 12:19

— Anahaan, Móyiis lakikkiic eluwaayi inye boot li ololaal yaanumuu: «Nokoomuu loon ánayine ayabe akete akat aseekool ban kuŋañenut añiil, atuyool li atowo aseekool, mantee li kubukoo bañiil boot li atuyool aketumuu.»

Hulimahu Hásuumaahu loon Lík akiic homuu 20:28

koonool: — Anahaan, Móyiis lakikkiic eluwaayi inye boot li ololaal yaanumuu: «Anáyine ayabe aketumuu ban aŋañenut añiil, atuyool li atowo aseekool mantee li kubukoo bañiil boot li ánayinaawu aketumuu.»

Hulimahu Hásuumaahu loon Lík akiic homuu 20:33

Muñowu nan kaketumuu kommuu kubil kuyitowumul li eketayi, ayi li buko ammuu aŋa’ anaalaawu alako aseekool, emmuu buko feh hutok li kúl̥ubaaku kuyabeenooyab?

Hulimahu Hásuumaahu loon Lík akiic homuu 6:46

— Wáa újiye li jinaak jihooñom Amaaŋen, Amaaŋen, ban let jikaan wahawu wan ilobumuu?