Máciya 22:11 - Jola-Kasa

¹¹ «Bale nan áyiiyawu abilumuu bajukabu bata bukanabuku kan kúhooñulumuu, li ajuk ló an akaanowut kañ kata kagaan.

Máciya 22:11 Referencias Cruzadas

Máciya 13:30

Jikat edenfeteŋayi li emaanobasuuwayi min yankoo li mano, boot nan ecacayi yommuu éliiŋ. Nan ecacayi yommuu éliiŋ, fan ilob kucacaaku eeniil: “Jijand jiluuc emaanobasuuwayi ban li jikaan yo kukoken boot kásu’. Jibanumuu li jikit jicac edenfeteŋayi jijow jitah li bulaŋenabu búmbaam.”»

Máciya 22:10

Mal̥egen kulokaabuku umbuku li kujow boot li útinawu kujow kúwomenul bukanabuku feh kan kujukumuu, kajakumuu li kajakutumuu kubil kumeeŋen dán sinaaŋasu sata búyabowabu sommuu li sitiñi.

Máciya 3:12

Káweyumaku koola kunku li kaŋenool. Fan awuu ekaakayi yoola ejow éfu’ kis, min aheefen edenfeteŋayi, ban li awuu yo ahahen li bulaŋen. Bale búhulabu fan ásu’ bó li sambun sáhokoweliit.

Kata Lom 13:14

Jiŋa’ bóonowabu bata Amaaŋenawu, ban jakum jikat bóonowabu bata eniilayi min buŋaluul bubet li kásiibowaku kata yo.

Kata Lom 3:22

Ateemit lajoojok bukanabuku feh káyinenumuu li Yéesu Kilisita bukan kacole hákilool, humum hata káyinenaku kooliil. Lakankaan mo boot li bukanabuku feh káyinenumuu, mata kúbutoolut.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

2 Kata Koolent 5:3

Ban jakum ban li lako Ateemit lakaanolaakaan eniilayi inyu aban, li ulakowaal loon bukan kakokowut.

Kata Galasi 3:27

Bukuluul foofuul feh jíbatiiseyibatiise li Kilisita, ban Ateemit li ajokuul loon ajokumuu Kilisita humumool.

Kata Efées 4:24

min jilako bukan kuwunkul, káwuweni nokoo li bóonowabu boola, naboo li macole li foof manabe mabilumulo li kahaase kata mal̥egenamu.

Búhiisenumabu 16:15

Amaaŋenawu li aan: «Jijanten, fan ibil loon ákuu! Awólo anawu aatutumuu ámooli min afooy wañawu woola, jakum bil ajow bákolotoo min abaj ñisuu hákil bukanabuku feh.»

Búhiisenumabu 19:8

Li kusenool kañ kajake majak kata sooy akaano, kanaake kuleñ ban li kuset maset.» (Kañaku kata sooyayi ko kommuu bakaanelabu bacolumuu bata bukanabuku kata Ateemit.)

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.

Búhiisenumabu 3:18

Mó mújimuu, boot min isaabi eeni unoom lí ínje éwulus yan kuteŋene li sambun, mantee li ulako mal̥egen an abaje. Unoom foof wañ wahiite min úhimenoo jakum ubil usuu min úfulul makokowut. Li uŋes bubuun min ubunten kúkilaku kooli mantee li unaak uyili ujuk.