Máciya 21:34 - Jola-Kasa

³⁴ Muñeˈe nan taŋayi yata kabajaku kata ébiiñayi élehenulumuu, ánayinaawu ata bul̥ibabu li aboñ kulokaabuku koola boot bata kulokaabuku kata úbiiñawu, mantee li kúsenulool joola li ébiiñayi.

Máciya 21:34 Referencias Cruzadas

Máciya 21:35

Bale nan kulokaabuku kata ánayinaawu kúliiŋumuu, kulokaabuku kata úbiiñawu li kujokiil, akee li kutekool, aahu li kumukool, áhaajutawu li kutekool kuyitik kumuk.

Máciya 21:38

Bale nan kulokaabuku kata úbiiñawu kujukumuu añiilawu, li kúsuumenoo koon: «Añiilawu ammuu li atowowool ummu. Jibil umukaalool min uŋalaal bútowowabu boola ukilaal.»

Máciya 21:40

Muñeˈe nan ánayinaawu ata bul̥ibabu bata úbiiñawu ammuu li álaañul, buu laate akaan kulokaabuku umbuku kata úbiiñawu?

Máciya 21:41

Li koonool: — Fan ámukikoo kulokaabuku umbuku kata úbiiñawu kúl̥afutaaku. Ban li aŋa’ bul̥ibabu bata úbiiñawu asen kuloka kukee kooken, kaate kunaak kusenool joola li ébiiñayi taŋayi yata yo.

Máciya 22:3

Ayíiyawu li aboñ kulokaabuku koola kujow kúhooñul bukanabuku kan ahebumuu búyabowabu. Bale li kuhoy babil.

Maak 12:1

Muñeˈe nan Yéesu átoŋumuu elobayi li ésukayi, li amit aŋa’ bukittenoolum min alob li buko aaniil: — Bile baj ánayine akee al̥uke úbiiñ li bul̥ib. Nan al̥ukumuu úbiiñawu aban, li ateef hukalab áwooñen bul̥ibabu. Ban, li awok tan ammuu anaak al̥uuten kúul̥aku kata úbiiñawu, ban foof li ateef húfooyum hagimbe. Nan abanumuu feh, li akat bul̥ibabu li kuŋen kata kuloka úbiiñ kubilum kunaak kucaamool to joola, min akila ajow kañaahoo ban lóyiye.

Maak 12:7

Bale kulokaaku umbuku kata úbiiñawu li kunaak koonoo: «Ummu, akila ammuu li abil atowo ánayinaawu ata bul̥ibabu. Jibil umukaalool, min bútowowabu bulako boololaal.»

Maak 12:9

Yéesu li agel̥l̥en aan: — Muñeˈe buu ánayinaawu ata bul̥ibabu bata úbiiñawu aate akaan eeno? Manooman fan ajow akila humumool amuk kulokaaku kata úbiiñawu, min aŋa’ bul̥ibabu bata úbiiñawu asen kuloka kukee kooken.

Hulimahu Hásuumaahu loon Lík akiic homuu 20:9

Fúlum tó, Yéesu li alob ésukayi bukittenoolumabu umbe: — Bile baj ánayine akee al̥uke úbiiñ li bul̥ib aban, li akat bul̥ibabu li kuŋen kuloka úbiiñ min kubil kunaak kucaamool to joola, min akila ajow kañaahoo kan aate afiyowul.