Máciya 21:31 - Jola-Kasa

³¹ Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Máciya 21:31 Referencias Cruzadas

Máciya 12:50

Mata an akaanumuu loon Atuubawom ammuu haatiya afañumuu, anawu ummu ammuu atuyom, áliinom, li jaawom.

Máciya 18:3

min aaniil: — Li mal̥egenamu fan ilobuul, jikatut bomuu bóonowabu booluul min jilaañ jinokoo loon bañiil batit, let jinoken li Jáyiiyaju jata Ateemit.

Máciya 20:16

Mó mújimuu bukanabuku kúsolaabuku fan kubil kulako kútinaa, min bukanabuku kútinaalabuku kulako kúsola.»

Máciya 21:30

Fúlum tó, ánayinaawu li alob añoolool aahu wahawu wanolawu. Añiilawu li aanool: «Fan ijow, amaaŋen.» Bale abilut ajow.

Máciya 5:18

Mata li mal̥egenamu, boot min ilobuul, emitayi li etaamayi sifiyo to min sifiyo to, maayeet jano li jikiicaju jahaŋumuu matiti let jíbuji. Maayeet hano li husotahu hahaŋumuu matiti hata eluwaayi let húbuji, boot yok nan wahawu feh wommuu uban.

Máciya 5:46

Mata jifañumuu bukanabuku kafañuulumuu bale, bacaam buu joote jíbajum tó li Ateemit? Kama inti bukanabuku kajakutumuu foof mo kukaanemuu?

Máciya 6:5

— Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.

Máciya 7:21

— Inti bukanabuku feh kaanewommuu: «Amaaŋen, Amaaŋen», kóomi li kunoken li Jáyiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li Jáyiiyaju jata Ateemit.

Máciya 9:9

Yéesu li alako ejow, li ajuk ánayine áyababuhal an koone Máciya mabahe tan kuyabemuu búhalabu, li aanool: — Unábul lí ínje. Mal̥egen Máciya li ayito anab li akila.

Hulimahu Hásuumaahu loon Lík akiic homuu 15:10

Boot ilobuul, li manolamu, fan baj ésuumansuum li kumalakaaku kata Ateemit, ahoofoola ano bátiiwoye aŋa’ buloŋ buwunkul.

Hulimahu Hásuumaahu loon Lík akiic homuu 19:22

Ayíiyawu li aanool: “Awu aloka ájakaatiye. Boot min itiibumi li kulimaku kooli humum ko. Kama luhaasumuu oon ínje ánayine átaañiye, liŋaleŋa’ wah wan ilokut, licacecac tan iwañut?

Hulimahu Hásuumaahu loon Lík akiic homuu 7:29

Nan ésukayi feh, boot li kúyababuhalabu ló, ejamumuu Saŋ li alob loon muñaˈa, li ehaas yoon Ateemit lacoccol, min ebil ábatiiseyiil.

Hulimahu Hásuumaahu loon Saŋ akiic homuu 3:3

Yéesu li aanool: — Li mal̥egenamu fan ilobi: an ayilaat ajuk Jáyiiyaju jata Ateemit, akila balaañenut abuki.

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Bakaanelabu 17:30

Bale Ateemit li ajok min akat bo taŋayi nan bukanabuku kuhaasutumuu wahoowah. Muñeˈe Ateemit laane bukanabuku feh kammuu tanootan kukat baloŋeliil buhaan, min kútiiwo kuŋa’ buloŋ buwunkul.

Kata Lom 3:19

Luhaasaale kaanaku wahawu wan eluwaayi elobumuu, elollob wo boot li bukanabuku kammuu li kuŋenaku kata eluwaayi, jakum bil an ayili álobul to mukee mantee li ukooŋ, min ésukayi ehaas kaanaku adunaayi foof yo feh etilentilen hákil Ateemit.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

2 Fiyeel 3:9

Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.