Máciya 21:19 - Jola-Kasa

¹⁹ Nan alakomuu ejowayi, li ajuk bul̥el̥u li bútinabu. Li ajow boot to. Nan áliiŋ tomuu li ajuk li bul̥el̥uwabu etoj bale. Muñeˈe li aan bo: — Kale, let ubaj mutiñaay boot nanoonan! Bul̥el̥uwabu li buyaan busay.

Máciya 21:19 Referencias Cruzadas

Máciya 21:20

Nan kúgoomaku kata Yéesu kujukumuu loon muñaˈa, li kusego ŋáa’ min koon: — Kama buu nokoole bul̥el̥uwabu umbu li buyaan busay to muñowu hi’?

Maak 11:14

Muñeˈe Yéesu li aan bul̥el̥uwabu: — An let alaañen atiñ mutiñaayamu mooli! Kúgoomaku koola kujanjam wahawu wan alobumuu bul̥el̥uwabu.

Maak 11:20

Muñeˈe li líiŋ li bújomabu, kúgoomaku li kulako ejow li bútinabu, li kujuk bul̥el̥uwabu masaye boot li kuhaalaku kata bo ló.

Hulimahu Hásuumaahu loon Lík akiic homuu 3:9

Jíkaanum, hufiikumahu hukaani huban tin huhaalahu hata unuunukenawu boot kafalen. Kama bunuunuken banooban baatutumuu bubaj ebukoolum yajake fan bufaleni beten li sambun.

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.

Hulimahu Hásuumaahu loon Saŋ akiic homuu 15:6

An alakowutumuu lí ínje, fan abeteni tíyaŋ loon hulund min asay. Kulundaku kasayimuu, fan kuwomeni beten li sambun min kúsulo.

2 Tímote 3:5

Fan kukaan loon kúyinenyinen li Ateemit, bale fan kuhoy wahawu wasenumuu sembe káyinenaku li Ateemit. Utey foof bukanabuku umbuku!

Eleetalayi yan Fool akiicumuu Tit 1:16

Fan koon kuhaase Ateemit, bale bakaanelabu booliil bunaboolut li wahawu wan kulobumuu. Kujakut majak, kútuulut Ateemit maayeet ban kuyilaat kukaan wahoowah wajake.

Eleetalayi yan Súd akiicumuu 1:12

Bukanabuku umbuku busik koom li kúbaññaatiyaku kooluul kan kumaatemuu. Fan kutiñ kujow kufooñ gik, ban kúsuuliit miñ. Buko mooliil bale kuyinoole. Kunokoonokoo li ufaal waakut mal, wan élusayi etebemuu ewujetum. Li kunokoo foof li unuunuken wábukeliit mutiñaay, maayeet taŋayi nan ubukemuu báliiŋe. Kunokoonokoo li unuunuken wan kuhaalaku kata wo kúkululowe min usay jalab.

Búhiisenumabu 22:11

An ájakaatimuu, jakum akat bújakaatiyabu boola. An anaakumuu akaan wah wasetut, jakum akat kakaan wah wasetut. An anaakumuu akaan majake, jakum akat kakaan majake. An aloŋumuu boot li Ateemit, jakum akat buloŋ boot li Ateemit.