Máciya 20:16 - Jola-Kasa

¹⁶ Mó mújimuu bukanabuku kúsolaabuku fan kubil kulako kútinaa, min bukanabuku kútinaalabuku kulako kúsola.»

Máciya 20:16 Referencias Cruzadas

Máciya 19:30

Bale kameeŋe li kútinaalabuku fan kulako kúsola. Kameeŋe li kúsolaabuku fan kulako kútinaa.

Máciya 21:31

Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Máciya 22:14

Mata bukan kameeŋe kúhooñuli, bale kal̥usimuu kufamut.»

Máciya 7:13

— Jínokenum li kámbiilaku kahogumuu; mata bukanabuku kánokenummuu li kámbiilaku kawuŋumuu kumbuku li bútinabu bata eketayi. Bukan kameeŋe li bo kújowume.

Maak 10:31

Bale kameeŋe li kútinaalabuku fan kulako kúsola. Kameeŋe li kúsolaabuku fan kulako kútinaa.

Hulimahu Hásuumaahu loon Lík akiic homuu 14:24

Fan ilobuul, anoowan li bukanabuku kajandeenumuu kuhooñi, let acafen sinaaŋasu súmbaam!»

Hulimahu Hásuumaahu loon Lík akiic homuu 15:7

Boot ilobuul, li manolamu, fan bil baj ésuumansuum yáamak li emitayi, ahoofoola ano bátiiwoye aŋa’ buloŋ buwunkul. Esúumansuumayi inyu fan ehaŋ yammuu li ebaj, mata bukan kúyii kubakii li kaat li kubakii kacole, kan jokut min kútiiwo kuŋa’ buloŋ buwunkul.

Hulimahu Hásuumaahu loon Lík akiic homuu 7:47

Mó mújimuu boot eeni: Uhoofoolawu woola wameeŋaawu ubonketibonket. Mata láhiisenhiisen húbooli háamak. Bale an, an kubonkete jatit, húbooli hatit laate áhiis.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

Kata Lom 8:30

Bukanabuku kan Ateemit al̥usumuu yaan no, lahooñiihooñ foof. Bukanabuku kan ahooñumuu, lakaaniikaan foof kulako bukan kacole hákilool. Bukanabuku umbuku kan akaanumuu kulako bukan kacole hákilool, lakaanikaan foof kulako li máyiineniyamu moola.

Kata Lom 9:30

Muñeˈe boot kama min oonaal buu? Boot min oonaal: bukan kalet kusuwif ban kalakowut huŋes min kulako bukan kacole hákil Ateemit, Ateemit lakaaniikaan kulako bukan kacole hákilool, humum hata káyinenaku kooliil.

1 Kata Tesalonik 2:13

Wahawu unwe foof újimuu áloli jikatut kasal Ateemit: nan jilobuulumuu Hulimahu hata Ateemit, li jijanten ho ban jiyabut ho loon hulim hata an, bale jiyayyab ho loon Hulim hata Ateemit, ban li mal̥egenamu Hulim hata Ateemit hoom, mata hunhu li bulok li bukuluul jáyinenumuu li Yéesu.