Máciya 19:9 - Jola-Kasa

⁹ Bale ínje fan eenuul, ánayine aanumuu aseekool ábalo, ban lakowut anaalaawu ánayine akee ahintenool, min áyabul anaale akee, ánayinaawu ummu lahintenhinten anaale alet oola.

Máciya 19:9 Referencias Cruzadas

Máciya 19:10

Muñeˈe kúgoomaku koola li koonool: — Kaanumuu loon muñaˈa éemi li nokoo ánayinaawu hákil aseekool, kama haŋe majak ulako to bayabut.

Máciya 19:8

Yéesu li aaniil: — Mal̥aal̥amu mata uyinumawu wooluul mújimuu Móyiis li akat bo min jinaak jikatoo li kuseekuul. Bale li húkitumahu, nokooleenut loon muñaˈa.

Máciya 5:32

Bale ínje fan eenuul: ánayine aanumuu aseekool ábalo, akila bahintowut li ánayine akee, fan áji anaalaawu li alo li kahoofoo akila balaañene ayabo. Li bil nokoo loon an ayabe anaale ábalowe bata áyinool, lahintenhinten anaale alet oola.

Hulimahu Hásuumaahu loon Lík akiic homuu 16:18

«Anáyine aanumuu aseekool ábalo ban li áyabul anaale akee, ánayinaawu ummu lahintenhinten anaale alet oola, anaalaawu li ahinto li ánayine alet oola. Li bil nokoo loon ánayine ayabe anaale ábalowe bata áyinool, lahintenhinten anaale alet oola, anaalaawu li ahinto li ánayine alet oola.

1 Kata Koolent 5:1

Jamowe tanootan kaanaku babbaj kákaanikoo li bukuluul. Kákaanikoolaku unku kubajut maayeet li bukanabuku kákaanumutumuu li Ateemit balewool. Lijame kaanaku akee li bukuluul lahintenehinten anaalaawu ata atuubawool.

1 Kata Koolent 7:39

Anaale an kuyabowe li ánayine, fan kukin boot yok nan áyinool ammuu li aket. Bale áyinool aketumuu, anaalaawu layilo ajow ayabo li an an afañe. Bale anawu an kóotimuu kuyabo laate alako an áyinene li Amaaŋenawu Yéesu.

1 Kata Koolent 7:4

Anaalaawu ayilaat akaan wah wásuumool li eniilayi yoola, mata eniilayi yoola áyinool akil yo. Li manolamu, ánayinaawu foof ayilaat akaan wah wásuumool li eniilayi yoola, mata eniilayi yoola aseekool akil yo.