Máciya 19:21 - Jola-Kasa

²¹ Yéesu li aanool: — Ufañumuu min ulako an anabe hákil Ateemit, ujow újula wahawu feh wan ubajumuu, min uŋa’ sídalamasu ugaben esukateenayi. Fan ubaj hubaj li emitayi. Banumuu, li ubil únabul lí ínje.

Máciya 19:21 Referencias Cruzadas

Máciya 16:24

Nan fú’ tómuu, Yéesu li aan kúgoomaku koola: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Máciya 19:20

Anáyinaawu li aan Yéesu: — Wahawu unwu feh likankaan wo. Waa umite usaŋowom?

Máciya 19:22

Bale nan ánayinaawu ajamumuu kulimaku unku, li áyiyenoo ábalo, mata lakankaan usaanum wáamak.

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 4:19

Yéesu li aaniil: — Jínabul lí ínje, min ikaanuul jilako kúŋalula bukan boot lí ínje.

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Máciya 8:22

Bale Yéesu li aanool: — Unábul lí ínje, min ukat bukanabuku kaketumuu min buko humumiil kuhok bukaniil kaketumuu.

Máciya 9:9

Yéesu li alako ejow, li ajuk ánayine áyababuhal an koone Máciya mabahe tan kuyabemuu búhalabu, li aanool: — Unábul lí ínje. Mal̥egen Máciya li ayito anab li akila.

Maak 10:21

Muñeˈe Yéesu li ajuke ánayinaawu li súumool, li aanool: — Wah wano bale usaŋoyi kakaan: Ujow újula wahawu feh wan ubajumuu, ban li uŋa’ sídalamasu ugaben esukateenayi. Ukaan momuu, fan ubaj hubaj li emitayi. Banumuu, li ubil únabul lí ínje.

Maak 2:14

Yéesu li alako ejow, li ajuk Lebi ata Alife, mabahe tin yabemuu búhalabu. Li aan Lebi: — Unábul lí ínje. Mal̥egen Lebi li ayito anab li akila.

Maak 8:34

Muñeˈe nan fú’ tómuu, Yéesu li áhooñul búsukabu li kúgoomaku koola, min aaniil: — An afañumuu min ánabul lí ínje, li akat kayinoo mata buloŋool. Ateb ekuluwaayi yoola, min ánabul lí ínje.

Hulimahu Hásuumaahu loon Lík akiic homuu 12:33

Jíjula wahawu wan jibajumuu, min jisen sídalamasu kusukateenaku. Jikaan boot li bukuluul humumuul, ul̥aac wata kakaan sídalam waatut ubil uneg. Jijoojen ebajayi yooluul boot li emitayi dán yootutumuu ebil éyaakulo, dán ákuu ayilaatumuu ajow, li dán bulolabu buyilaat yomuu bukajen.

Hulimahu Hásuumaahu loon Lík akiic homuu 14:33

Yéesu li afamen aan: — An li bukuluul ayilaat alako ágoomom, akila bayilaat akat bo wahawu feh wan abajumuu.

Hulimahu Hásuumaahu loon Lík akiic homuu 16:9

Yéesu li afamen aan: — Injé fan eenuul: jíŋesum li ebajayi yajakutumuu yata adunaayi inye kubuke boot li bukuluul, bájum nan jootutumuu jibaj wah, li kuyabuul li buloŋabu bábaneliitumuu.

Hulimahu Hásuumaahu loon Lík akiic homuu 18:22

Muñeˈe nan Yéesu ajamumuu kulimaku unku, li aan ánayinaawu: — Wah wano bale usaŋoyi kakaan. Ujow újula wahawu wan ubajumuu feh, ban li uŋa’ sídalamasu ugaben esukateenayi. Ukaan momuu, fan ubaj hubaj li emitayi. Banumuu, li ubil únabul lí ínje.

Hulimahu Hásuumaahu loon Lík akiic homuu 5:27

Nan fú’ tómuu, Yéesu li áfulul, li ajuk áyababuhal an koone Lebi mabahe tan halemuu. Yéesu li aanool: — Unábul lí ínje!

Hulimahu Hásuumaahu loon Lík akiic homuu 6:40

Agóom ahaŋut anahaanawu oola. Bale ágoom anoowan an kuliikene jak, fan anokoo loon anahaanawu oola.

Hulimahu Hásuumaahu loon Lík akiic homuu 9:23

Nan fú’ tómuu, Yéesu li aan bukanabuku feh: — An afañumuu min ánabul lí ínje, li akat kayinoo mata buloŋool. Ateb hunakoohunak ekuluwaayi yoola, min ánabul lí ínje.

Hulimahu Hásuumaahu loon Saŋ akiic homuu 10:27

Kúgalalaanaku kúmbaam kujantenejanten hulimahu húmbaam. Lihaas ko, ban li kunaak kúnabul lí ínje.

Hulimahu Hásuumaahu loon Saŋ akiic homuu 12:26

An afañumuu min alok boot lí ínje, anawu ummu laate ánabul lí ínje, bájum tan emmuu li ilako, alokaawu úmbaam foof li alako to. An alokumuu boot lí ínje, fan abaj kasal hákil Atuubawom.

Bakaanelabu 2:45

Li kújula sitaamasu sooliil li wahawu wan kubajumuu, ban li kugaben sídalamasu san kubaj tomuu, min kusen anoowan loon afañumuu.

Eébulo 10:34

Sílaamasu sata bukanabuku kan kukul̥umuu silakolako sooluul foof. Ban jonsoon li ésuumansuum ló éehe’ min kubot wahawu wan jibajumuu, mata jihaase joon jibaje hubaj hahaŋe majak, hata boot nanoonan.