Máciya 18:7 - Jola-Kasa

⁷ Katek káamak kujow kulako li adunaayi, mata wahawu wakaanemuu ésukayi elo li kahoofoo úji! Li mal̥egenamu, wahawu unwu wóote ubaj, bale katek káamak kujow kulako li anawu ájimuu li ubaj!

Máciya 18:7 Referencias Cruzadas

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Máciya 26:24

Añool-An fan aket loon Bakiicelabu bulobumuu buya li akila. Bale katek kujow kulako li anawu ammuu li abetool li kuŋen bukan. Haŋeene majak jakum anawu ummu abuki.

Maak 13:7

Nan jommuu li jijam bukanabuku li kulob mata kutiik, li mata koone kata kutiik, jakum jíkoli. Mata wahawu unwu wóotisooti ubaj. Bale let fan lako kabanaku kata adunaayi.

Hulimahu Hásuumaahu loon Lík akiic homuu 17:1

Yéesu li aan kúgoomaku koola: — Fan baj nanoonan wah waate úji bukanabuku li kulo li kahoofoo. Bale íyeno, anawu ájimuu bukanabuku li kuhoofoo.

Hulimahu Hásuumaahu loon Saŋ akiic homuu 17:12

Nan ilakomuu li buko, li sembaasu sata kajawaku kooli lífooyumiil, kajawaku kan usenommuu. Lifooyiifooy, ban bajut an li buko ájime. Anawu afimmuu min áatiye ájim, akila bale ájimumuu, min kaan loon Bakiicelabu bulobumuu.

Bakaanelabu 1:16

— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

1 Kata Koolent 11:19

(Wáa úji? Li mal̥egenamu, éetiseeti baj bugiiloo li bukuluul, mantee bukanabuku káyinenumuu li mal̥egen li kuhaasi.)

1 Tímote 6:1

Bukanabuku feh kammuu li humiikeeleto koote kujok kunahaanaku kooliil bukan katooke min kuluukeni, jakum bil an alob majakut aya li kajawaku kata Ateemit li Baliikenelabu foof boololaal.

Eleetalayi yan Fool akiicumuu Tit 2:5

Kusaabiil min kubaj uyinum, min foof kulako kanaale káteyiliit kunab li kánayine, kulako kanaale kayilo kaaken siluufiil jak, ban li kulako bukan kajake, kútuule kúyiniil, jakum bil an alob kulim kajakut aya li hulimahu hata Ateemit.

Eleetalayi yan Fool akiicumuu Tit 2:8

Kulimaku kuya koote kulako kulim kacole kan an ayilaat áhoogul, bájum kulatoolayi jakum kulob kulim kajakut kuya li alolaal, min kubaj ñisuu.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.