Máciya 18:23 - Jola-Kasa

²³ Mó mújimuu, Jáyiiyaju jata haatiya jiyilo jikittenooli li áyii afañe ayoob min ahaas butumbuu anoowan li kulokaabuku koola kaakumuu ebajayi yoola, aakool.

Máciya 18:23 Referencias Cruzadas

Máciya 13:24

Yéesu li alaañen alobiil bukittenoolum bakee aaniil: — Jáyiiyaju jata Ateemit jinokoonokoo li an abete sígul sajake, li kal̥aakaku koola.

Máciya 13:31

Yéesu li alaañen aseniil bukittenoolum bakee. Li aaniil: — Jáyiiyaju jata Ateemit jinokoonokoo li ekool yata anuunuken an koone mutaad, yan an ajowe al̥uk li bul̥ibabu boola.

Máciya 13:33

Yéesu li alaañen alobiil bukittenoolum bakee aaniil: — Jáyiiyaju jata Ateemit jinokoonokoo li élebiil yan anaale aŋale ágiiwoo li kukiib kúhaaji kata efo’ min asiiw, boot yok nan basiiwelabu búkaakumuu foof bo feh.

Máciya 13:47

— Jáyiiyaju jata Ateemit jinokoonokoo foof loon embaal yan kumbaala kubetene li husamu, min éjokul jíwoloojiwol.

Máciya 13:52

Muñeˈe Yéesu li aaniil: — Mó mújimuu, anoowan aliikene bukanabuku eluwaayi yata Móyiis, abile alako ágoom ata Jáyiiyaju jata Ateemit, lanokoonokoo li anahaan ata eluuf, áfulenulo li ebajayi yoola, wah wawunkul li foof wah wahaan.

Máciya 18:24

Nan áyiiyawu átoŋumuu kacobaku, li kúŋalulool akee aakenool similiyoŋ sameeŋe.

Máciya 25:1

— No unnu, Jáyiiyaju jata Ateemit fan jikittenoolumi li básungute kuŋen, kaŋale sihiitumasu sooliil min kúfu’ boot kayallo ábutowaawu.

Máciya 25:14

— Jáyiiyaju jata Ateemit fan jikittenoolumi li ánayine alakowe li ajow kañaahoo, li áhooñul kulokaabuku koola, min aŋa’ ebajayi yoola aseniil kookenool.

Máciya 3:2

— Jikat kahoofoo, min jítiiwo jiŋa’ buloŋ buwunkul, mata Jáyiiyaju jata Ateemit jíkoojulo!

Máciya 7:24

— Mó mújimuu, an ajamumuu kulimaku kúmbaam unku, ban li akaan loon ilobumuu, lanokoonokoo li an ájallowe, ateefe eluufayi yoola tin l̥aal̥e.

Kata Lom 14:12

Mó mújimuu, anoowan li alolaal fan abil ayito hákil Ateemit min acahenoolo akila humumool.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.