Máciya 17:5 - Jola-Kasa

⁵ Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 17:5 Referencias Cruzadas

Máciya 12:18

«Alokaawu úmbaam an il̥usumuu, akila ammuu umme, an iboolaatumuu, ásuumommuu ŋáa’. Fan íboñul Buyinumabu búmbaam bubil bulako li akila, min awaale macolaamu mata Ateemit bukanabuku feh kata etaamayi.

Máciya 17:6

Nan kúgoomaku kujamumuu hulimahu unhu, li kúkoli ŋáa’ min kulo kuŋa’ wuuliil kuya li etaam.

Máciya 3:17

Esúkayi li ejam hulim háfulumulo li emitayi haane: «Laalu añoolom an íboolimuu ŋáa’. Buyinumom feh li akila likaan bo.»

Maak 1:11

Muñeˈe hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Maak 9:7

Muñeˈe kafaal li kuyaan kúhimeniil li máyiinowamu mata ko. Hulim li húfulumul li kafaalaku haane: — Laalu Añoolom an iboolaatumuu. Jijantenool!

Hulimahu Hásuumaahu loon Lík akiic homuu 3:22

Muñeˈe Buyinumabu Banabaabu li búwalowul li kambu kata éleebaan bubil bulako li akila. Hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:35

Atuubaawu láboolibooli Añiilawu, ban li akat wahawu feh li kuŋenool.

Hulimahu Hásuumaahu loon Saŋ akiic homuu 5:37

Ban Atuubaawu humumool áboñulommuu lalollob foof múmbaam. Bukuluul jijamulelut hulimahu hoola, ban jijukulelut kambuwaku koola.

Bakaanelabu 1:9

Nan Yéesu alobumuu kulimaku unku aban, Ateemit li aŋalool ájowetum boot li emitayi hákil Kufootalaku. Muñeˈe kafaal li kúfibool hákiliil.

Bakaanelabu 7:37

Móyiis amite alobumuu kata Isilayeel aaniil: “Ateemit fan áboñuluul afulofet loon ínje. Anawu ummu fan alako akee li kutuyuul.”

Kata Efées 1:6

Lakankaan loon muñowu min usalaal másuumamu moola máamakamu man áhiisumolaalumuu li Añoolool an aboolaatumuu.

Kata Kolos 1:13

Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.

Búhiisenumabu 14:14

Li ilaañen ijuke, li ijuk kafaal kahiite. Li kafaalaku unku li baj búnokoo bata an, bábah ló. Li bukaano éjambi li húkowahu hata bo, ban li bútuk li kaŋenool ékaawum yañeke.