Máciya 17:20 - Jola-Kasa

²⁰ Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 17:20 Referencias Cruzadas

Máciya 13:31

Yéesu li alaañen aseniil bukittenoolum bakee. Li aaniil: — Jáyiiyaju jata Ateemit jinokoonokoo li ekool yata anuunuken an koone mutaad, yan an ajowe al̥uk li bul̥ibabu boola.

Máciya 14:29

Yéesu li aanool: — Ubil. Mal̥egen Fiyeel li áwalowumul li busaanaabu min ájowum koot li malamu ajooŋoo ban Yéesu alakomuu.

Máciya 17:17

Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.

Máciya 17:19

Kúgoomaku li kúkoojul Yéesu min kugel̥l̥enool buko baleyiil, koonool: — Wáa újiye óloli jiyilaat jikesoo buyinumabu umbu bajakutaabu búfu’ li añiilawu?

Máciya 17:9

Muñeˈe nan kulakomuu káwalowulaku li huyuuyahu, Yéesu li aaniil: — Jakum jilob an wahawu wan jijukumuu, boot yok nan Añool-An ammuu li ayitenumuli li eketayi.

Máciya 21:21

Yéesu li aaniil: — Li mal̥egenamu fan ilobuul, jibajeenumuu káyinen ban jíwettoolut, let mantee fan jiyili jikaan wahawu wan ikaanumuu bul̥el̥uwabu umbu bale. Bale fan jiyili foof joon huyuuyahu unhu, «Uyinno taatu ujow ulo li husamuwahu,» fan hukaan mo.

Máciya 8:26

Bale Yéesu li aaniil: — Mó káyinenuul lí ínje kukite kutiti! Wáa újiye li jíkoli? Muñeˈe nan Yéesu ayitomuu, li anuuloo búlusabu li malamu mata húwajahu. Li lulenoo lul.

Maak 11:22

Yéesu li ájowum tó alob kúgoomaku koola aaniil: — Jíyinen li Ateemit.

Maak 11:23

Li mal̥egenamu fan ilobuul, an aanumuu huyuuyahu unhu: «Uyinno taatu ujow ulo li husamuwahu», ban áwettoolut li buyinumool, min áyinen kaanaku wahawu wan alobumuu fan ubaj, manooman fan ubaj.

Maak 4:31

Jáyiiyaju jata Ateemit jikoonokoo li ekool yata anuunuken an koone mutaad, yan ommuu li ul̥uk li etaam li ehaŋ matiti sígulasu feh sata etaamaye.

Maak 9:23

Yéesu li aanool: — Wáa újiye li oon: «Nokoomuu loon luyilo ukaan to wah ukee?» Bajut wah wan an áyinene ayilaat akaan.

Hulimahu Hásuumaahu loon Lík akiic homuu 1:37

Mata bajut wah wan Ateemit ayilaat akaan.

Hulimahu Hásuumaahu loon Lík akiic homuu 17:6

Amaaŋenawu li aaniil: — Nokoomuu loon káyinenaku kooluul kutitiyeene loon jikool jata anuunukenawu aaneyimuu mutaad, fan joon bunuunukenabu umbu báamakabu baaneyimuu búmiiliye: «Uluuco min ujow ul̥ukoolo li husamuwahu», fan bukaan loon jilob bomuu.

Hulimahu Hásuumaahu loon Lík akiic homuu 18:27

Yéesu li aaniil: — Wah waheeke bukan kakaan, uyilaat uheek Ateemit kakaan.

Hulimahu Hásuumaahu loon Saŋ akiic homuu 11:40

Yéesu li aan Maaluta: — Kama eenuti úyinenumuu, fan ujuk máyiineniyamu mata Ateemit?

1 Kata Koolent 12:9

Akee, Buyinumabu banolabu li busenool káji kata káyinen, aahu bo banolabu li busenool káji kata kafaken bukan li úsomut.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

Eébulo 3:19

Ban lujukaale li mal̥egen kaanaku kubilut kuyili kunoken dó humum hata káyinenaatiyaku kooliil.