Máciya 17:12 - Jola-Kasa

¹² Bale fan eenuul Elí labile aban. Bale bukanabuku kuhaasut koon okila, min kukaanool loon súumiilumuu. Mo foof kóomimuu li kubil kubet Añool-An li sílaam.

Máciya 17:12 Referencias Cruzadas

Máciya 11:2

Muñeˈe Saŋ Batiis li alako li hukul̥ahu, li ajam wahawu wan Kilisita alakomuu kakaanaku. Li aboñ kukee li kúgoomaku koola,

Máciya 16:21

Yaan no unnu, Yéesu li átoŋ alob kúgoomaku koola aaniil: — Boot min ijow boot Yeelusalem min ílaam ŋáa’ li kuŋen kata kunahaanabuku, li kata huhaanaahu hata élambaayi, li kata kaliikenemuu ésukayi Eluwaayi yata Móyiis. Ban fan kúji li kumukom. Bale li hunakahu húhaajutahu, fan iyitowul li eketayi.

Máciya 17:11

Yéesu li aaniil: — Li mal̥egenamu Elí fan abil min alaañen wahawu feh ul̥uul loon naanaŋ.

Máciya 17:13

Kúgoomaku li kukit kúnaanum koon kama Saŋ Batiis lalakoyiil elob.

Máciya 17:22

Li líiŋ hunak hakee nan kúgoomaku kuwooge li etaamayi yata Gálile, Yéesu li aaniil: — Añool-An fan abeti li kuŋen kata bukan.

Máciya 17:9

Muñeˈe nan kulakomuu káwalowulaku li huyuuyahu, Yéesu li aaniil: — Jakum jilob an wahawu wan jijukumuu, boot yok nan Añool-An ammuu li ayitenumuli li eketayi.

Máciya 21:32

Mata Saŋ labiibil booluul min áhiisuul bútinabu bacolaabu, jíyinenut li akila. Bale bukanabuku kayabemuu búhal li bukanabuku káfulowe bomuu muñaˈa kúyinenyinen li akila. Ban maayeet nan jijukumuu wahawu unwu, jijokut li ehaaseen min jíyinen li akila.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Hulimahu Hásuumaahu loon Lík akiic homuu 7:33

Mata Saŋ Batiis labiibil, ban anaakut atiñ, anaakut ahob bunuk, li joon: «Saŋ an laam, an buyinum bajakut bújufoye!»

Hulimahu Hásuumaahu loon Saŋ akiic homuu 1:11

Hulimahu li hubil bata bukanabuku kata ho, bale bukanabuku kata ho kuyabut ho.

Bakaanelabu 2:23

Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Bakaanelabu 7:52

Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.