Máciya 17:1 - Jola-Kasa

¹ Muñeˈe nan jowe bajumuu kunak koono hutok li hano, Yéesu li aŋa’ Fiyeel, li Saak, li Saŋ ammuu atuyawu ata Saak, kujow boot li huyuuy hagimbe kujow kulako bo baleyiil.

Máciya 17:1 Referencias Cruzadas

Máciya 17:2

Nan kúliiŋ dómuu, Yéesu li ábutoo hákiliil. Buulabu boola li buleñ loon banak. Wañawu woola li uhiit falala’.

Máciya 26:37

Yéesu li ájowetum Fiyeel buko li bañiilabu búl̥uba báyinaabu bata Sebede. Li kit tóŋ jokool ban li kaanool kákoli.

Maak 13:3

Muñeˈe Yéesu li ajow abah li huyuuyahu hata unuunukenawu wan koonemuu Olíibiye, ajooŋoo li Eluufayi yata Ateemit. Fiyeel buko li Saak, li Saŋ, li Andele li kulako baleyiil li Yéesu, li kugel̥l̥enool koonool:

Maak 5:37

Yéesu akatut an min anab li akila ábute li Fiyeel, li Saak li Saŋ ammuu atuyawu ata Saak.

Hulimahu Hásuumaahu loon Lík akiic homuu 8:51

Muñeˈe nan Yéesu áliiŋumuu bata Jáyilis, akatut an min anoken li eluufayi ábuti li Fiyeel, Saŋ, Saak li atuubaawu li jaaw ata jísungutaaju.

2 Kata Koolent 13:1

Muñeˈe búhaajutom li éemi li ibil boot booluul. Loon Hulimahu hata Ateemit hulobumuu: «Wahoowah wan an akaane wóotimuu utiibi, fan ujandaal ujantenaal bukan kúl̥uba, mantee foof kúhaaji kamaate nan ukaanimuu.» Boot min ilob bukanabuku kahoofoo nomuu li kaabuku feh ikat to.

2 Fiyeel 1:16

Li mal̥egenamu, inti eeniseen li ukoŋ wajuul̥i li eseele, áloli jíjowume min jíhiisuul ebilayi li sembe yata Amaaŋenawu, bale áloli húmumoli jijuujuk maluukamu moola li kúkiloli.

2 Fiyeel 1:18

Hulimahu unhu habilummuu li emitayi, áloli húmumoli jijanjam ho nan jilako tomuu li akila, li huyuuyahu háñeyimuu.