Máciya 16:21 - Jola-Kasa

²¹ Yaan no unnu, Yéesu li átoŋ alob kúgoomaku koola aaniil: — Boot min ijow boot Yeelusalem min ílaam ŋáa’ li kuŋen kata kunahaanabuku, li kata huhaanaahu hata élambaayi, li kata kaliikenemuu ésukayi Eluwaayi yata Móyiis. Ban fan kúji li kumukom. Bale li hunakahu húhaajutahu, fan iyitowul li eketayi.

Máciya 16:21 Referencias Cruzadas

Máciya 12:40

Mata loon Sonaas alakomuu sitihunaka síhaaji li sihuka síhaaji li halahu hata huwolahu, mo foof Añool-An ammuu li alako sitihunaka síhaaji li sihuka síhaaji kata láala etaamayi.

Máciya 16:22

Muñeˈe Fiyeel li aŋalool kúfu’ li kakaŋ min alobool aanool: — Ateemit ajow afooyi, Amaaŋen! Wahawu unwu jakum ubaji!

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 17:12

Bale fan eenuul Elí labile aban. Bale bukanabuku kuhaasut koon okila, min kukaanool loon súumiilumuu. Mo foof kóomimuu li kubil kubet Añool-An li sílaam.

Máciya 17:9

Muñeˈe nan kulakomuu káwalowulaku li huyuuyahu, Yéesu li aaniil: — Jakum jilob an wahawu wan jijukumuu, boot yok nan Añool-An ammuu li ayitenumuli li eketayi.

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 26:2

— Jihaase joon taate kunak kúl̥uba kagaanaku kata Faakayi fan abeti li kuŋen bukan min kubaaŋool li ekuluwa.

Máciya 26:47

Nan Yéesu alakomuu elobayi, Sudaas alakomuu akee li kúgoomaku kuŋen li kúl̥uba li áliiŋul. Li ánaboolul li búsuk bajunkowulo síkundu li sigol. Bukanabuku umbuku huhaanaahu hata élambaayi li kunahaanaku kata ésukayi kúboñuliil.

Máciya 27:12

Fúlum tó, huhaanaahu hata élambaayi li kunahaanaku kata ésukayi li kul̥oof Yéesu koon lakankaan majakut, bale abagut.

Máciya 27:63

Nan kúliiŋumuu li koon Filat: — Anahaan, jiwayil̥owe kaanaku ámalamiñawu ummu lansaan akila li buloŋ aketumuu jow baj kunak kúhaaji, fan ayitowumul li kaketumuu.

Máciya 28:6

Alet taate. Layitowuuyitowul li eketayi loon alob momuu. Jibil jijuk tan kuhintenoolumuu.

Maak 8:31

Muñeˈe Yéesu li átoŋ alob kúgoomaku koola aaniil: — Añool-An laate álaam ŋáa’. Ban Kunahaanaku kata ésukayi, li huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, fan kuhoyool. Fan kumukool, bale nan emmuu jow baj kunak kúhaaji, fan ayitowumul li eketayi.

Maak 9:12

Yéesu li aaniil: — Li mal̥egenamu Elí fan ajand abil min alaañen akaan wahawu feh ul̥uul loon naanaŋ. Bale wáa újiye kama Bakiicelabu li boon ínje Añool-An fan ílaam ŋáa’, ban bukanabuku fan kubesom?

Hulimahu Hásuumaahu loon Lík akiic homuu 17:25

Bale Añool-An laate ajand álaam ŋáa’, min bukanabuku kata muñeˈe kuhoyool.

Hulimahu Hásuumaahu loon Lík akiic homuu 24:46

Ban li aaniil: — Muñeˈe bakiicelabu bulobe: Afakenaawu laate álaam ban fan ayitowul li eketayi li hunakahu húhaajutahu.

Hulimahu Hásuumaahu loon Lík akiic homuu 9:31

Buko kúl̥uba li kúlaŋul li máyiineniyamu mata emitayi. Li kulako elob Yéesu mata eketayi yoola li ésukayi yata Yeelusalem loon Ateemit afañumuu.