Máciya 16:12 - Jola-Kasa

¹² Muñeˈe kúgoomaku li kukit kúnaanum kaanaku Yéesu alakowut elobiil mata min kúkaanum élebiilayi yaŋaleyimuu min kaan kúmbuulu, bale mata baliikenelabu bata Kufaaliisiyeŋaku li Kusaduusiyeŋaku.

Máciya 16:12 Referencias Cruzadas

Máciya 16:11

Kama buu kaane jiyilaat jínaanum kaanaku ilet li elobuul mata kúmbuulu? Jíkaanum élebiilayi yata Kufaaliisiyeŋaku li Kusaduusiyeŋaku.

Máciya 3:7

Nan Saŋ ajukumuu Kufaaliisiyeŋ li Kusaduusiyeŋ kameeŋe li kubil boot min ábatiiseyiil, li aaniil: — Sil̥aal̥akase! Ayimaa ahebuluul buu jóomi li jikaan min jifak li katekaku kaanomuu li ebil kata etindihuuñayi yata Ateemit?

Máciya 5:20

Fan ilobuul eenuul, jítuulutumuu Hulimahu hata Ateemit jihaŋ bukanabuku kaliikenemuu ésukayi eluwaayi yata Móyiis li Kufaaliisiyeŋaku, let jibil jinoken li Jáyiiyaju jata Ateemit.

Bakaanelabu 23:8

(Kusaduusiyeŋaku buko koone kaketumuu let kuyitowumul li eketayi, ban emalaka ebajut, uyinum ubajut. Bale Kufaaliisiyeŋaku buko kúyinenyinen kaanaku wahawu unwu feh ubaje.)

1 Kata Koolent 5:6

Min jitebenemuu ubanduul loon muñaˈa, jakut maayeet! Kama jihaasut kaanaku: «Jílebiil jatit jíkaakenemuu efolayi feh yasiiwimuu.»