Máciya 14:33 - Jola-Kasa

³³ Bukanabuku kalakomuu li busaanaabu li kúkuntuŋ hákil Yéesu min kumanenool koon: — Li mal̥egenamu awu ommuu Añiilawu ata Ateemit!

Máciya 14:33 Referencias Cruzadas

Máciya 14:32

Muñeˈe nan kújufomuu buko kúl̥uba li busaanaabu, búlusabu li buyaan buweelen.

Máciya 15:25

Bale anaalaawu li abil ákuntuŋ hákil Yéesu min aanool: — Amaaŋen, ubonket ulambenom!

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 2:11

Muñeˈe li kunoken li eluufayi kúliiŋ, li kujuk añiilawu li jaawool Mali. Li kúkuntuŋ min kumanen añiilawu. Nan kumanenoolumuu kuban, li kúbabul dán kukaanumuu wañawu wooliil min kusenool éwulus, li ecuulaay, li múki’.

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 27:43

Li Ateemit lákangume ban lansaan: «Injé emmuu Añiilawu ata Ateemit.» Muñeˈe kama boot min ujukaal mantee Ateemit fan afakenool, nokoomuu loon lafañoofañ.

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Máciya 28:17

Nan kujukumuu Yéesu li kúkuntuŋ hákilool min kumanenool. Bale kukee li buko li kúwettoo.

Máciya 28:9

Yéesu li ayaan abil kufam ban li aaniil: — Lisaafuul! Kanaalaabuku li kúlohulool ban li kujok kootaku koola min kumanenool.

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Maak 1:1

Muñeˈe Hulimahu Hásuumaahu hata Yéesu Kilisita ammuu Añiilawu ata Ateemit, húkitummuu.

Maak 14:61

Bale Yéesu abagut. Alámbaawu ahaanawu li alaañen agel̥l̥enool aanool: — Awu ommuu Afakenaawu, Añiilawu ata Ateemit asaleyimuu?

Maak 15:39

Muñeˈe anahaanawu ata kusollaali téemeel alako tomuu hákil Yéesu, li ajuk buu laketumuu eeno, li aan: — Li mal̥egenamu ánayinaawu ummu lalakolako Añiil ata Ateemit.

Hulimahu Hásuumaahu loon Lík akiic homuu 24:52

Kúgoomaku buko li kumanenool kuban, li kulaañ boot Yeelusalem li ésuumahukow ló yáamak.

Hulimahu Hásuumaahu loon Lík akiic homuu 4:41

Uyinum wajakut li úfu’ foof li bukan kameeŋe kan újufoyeenumuu. Li unaak ukaaw, wo li káfulaku woon: — Awu ommuu Añiilawu ata Ateemit! Bale Yéesu li anuuloo wo ban akatut wo min ulob, mata wo uhaase woon okila ammuu Afakenaawu.

Hulimahu Hásuumaahu loon Lík akiic homuu 8:28

Nan ánayinaawu ajukumuu Yéesu, li akaaw butiya ban li ákuntuŋ hákilool min alob li sembe aan: — Waa lufañe lí ínje, Yéesu, Añiil ata Ateemit ata Haatiya? Liyaaki, jakum ulillimenom.

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 11:27

— Eéhe’, Anahaan, líyinene kaanaku awu ommuu Afakenaawu, Añiilawu ata Ateemit, áatimuu abil li adunaayi.

Hulimahu Hásuumaahu loon Saŋ akiic homuu 17:1

Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.

Hulimahu Hásuumaahu loon Saŋ akiic homuu 19:7

Kusuwifaku li koonool: — Olóli jibaje eluwa, ban loon eluwaayi inyu elobumuu Yéesu laate aket, mata laane okila Añool Ateemit.

Hulimahu Hásuumaahu loon Saŋ akiic homuu 6:69

Ban óloli, jíyinene ban jihaase joon awu ommuu anawu anabaawu ata Ateemit.

Bakaanelabu 8:36

Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [

Kata Lom 1:4

Ateemit li ájowum li Buyinumabu Banabaabu, min áhiis kaanaku Añiil ata Ateemit laam li sembe, nan ayitenumuloomuu li eketayi. Okila ammuu Yéesu Kilisita, Amaaŋenawu oololaal.