Máciya 13:35 - Jola-Kasa

³⁵ bájum wahawu wan afulofetawu alobumuu, li ubaj. Lansaan: «Fan ílobum li buko li ukittenoolum. Fan ilobiil wahawu wan Ateemit ayolumuu nan adunaayi étuutimuu.»

Máciya 13:35 Referencias Cruzadas

Máciya 13:14

Muñeˈe hulimahu han afulofetawu Esay alobumuu, húbajummuu li buko, haanumuu: «Fan jijanten ban li jijam jak, bale let jínaanum maayeet tuf. Fan jijuke ban li jijuk jak, bale let jikooñaam maayeet tuf.

Máciya 13:3

Yéesu li aŋa’ bukittenoolum min alobiil wah fiyo, aaniil: — Bile baj awaña áfule ajow ebet sígul.

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 5:2

Yéesu li aŋa’ hulimahu min awaaleyiil aan:

Hulimahu Hásuumaahu loon Lík akiic homuu 10:14

Mó mújimuu, li Hunakahu hata Batiibabu, katekaku kooluul fan kuhaŋ mátaañi kata Tiil li Sidoŋ.

Hulimahu Hásuumaahu loon Saŋ akiic homuu 17:24

«Faafa, awu usenomiil, ban lifañe tan emmuu li ibil ilako, li kulako to foof lí ínje, bájum li kujuk máyiineniyamu múmbaam. Máyiineniyamu man usenommuu, mata lufañonfañ tówum adunaayi ejuul̥i.

Bakaanelabu 15:18

Wahawu unwu Amaaŋenawu alobumuu, akaan womuu ésukayi ehaas nan fiyo.»

1 Kata Koolent 2:7

Alóli bújallowabu ban jiliikenemuu ésukayi, bo bommuu bújallowabu bata Ateemit ban bukanabuku kuliitikenutumuu, bayolimuu bukanabuku. Ateemit lafalefale bújallowabu umbu akat to boot li máyiineniyamu moololaal, tówum adunaayi ejuul̥i.

Kata Efées 3:5

Wahawu unwu, Ateemit áhiisut wo bukanabuku kata naanaŋ, loon láhiisum womuu muñeˈe li Buyinumabu Banabaabu bukanabuku kan al̥usumuu kulako kufootalaku kanabe.

Kata Efées 3:9

Lakaanonkaan min iyili íhiis bukanabuku feh set, buu lammuu li kakaan wahawu wan an ahaaseenutumuu. Akila áwuwenumuu wahoowah feh, layolooyoloo wo kábilum no.

Eébulo 1:1

Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 17:8

Enúukuleŋayi yan ujukumuu naanaŋ eloŋenloŋ, bale muñeˈe eloŋut. Fan éfulumul li buwokaayabu básenkimuu ŋáa’, ban boot min ejow boot kaniilo. Bukanabuku kakinumuu li etaamayi, kan ujawawu wooliil ukiicutimuu li éliibalayi yata buloŋabu kábilum nan etaamayi ejuul̥imuu, fan kusego buko bajuke énuukuleŋayi, mata eloŋenloŋ naanaŋ ban muñeˈe eloŋut. Bale fan ban li elaañen éfulul.