Máciya 13:25 - Jola-Kasa

²⁵ Bale nan ésukayi elakomuu kámooliyaku, alatoolaawu oola li ajow aŋa’ emaanobasuu ahin abet li kal̥aakaku ágiiw li edenfeteŋayi, ban li ajow.

Máciya 13:25 Referencias Cruzadas

Máciya 13:24

Yéesu li alaañen alobiil bukittenoolum bakee aaniil: — Jáyiiyaju jata Ateemit jinokoonokoo li an abete sígul sajake, li kal̥aakaku koola.

Máciya 13:26

Nan sígulasu sata edenfeteŋayi sil̥iilulumuu, ejow éfulen, emaanobasuuwayi li ehin el̥iilul.

Máciya 13:27

Muñeˈe kulokaabuku kata ata eluufayi li kubil kugel̥l̥enool koonool: «Anahaan, kama inti sígul sajake lubete li kal̥aakaku kooli? Kama emaanobasuuwayi yammuu li kal̥aakaku bay éfulumulo?»

Máciya 13:29

Ata eluufayi li aaniil: «A’aa’, mata jibanumuu li jilako kaluucaku kata emaanobasuuwayi, nakee li jiluucoo edenfeteŋayi.

Máciya 13:30

Jikat edenfeteŋayi li emaanobasuuwayi min yankoo li mano, boot nan ecacayi yommuu éliiŋ. Nan ecacayi yommuu éliiŋ, fan ilob kucacaaku eeniil: “Jijand jiluuc emaanobasuuwayi ban li jikaan yo kukoken boot kásu’. Jibanumuu li jikit jicac edenfeteŋayi jijow jitah li bulaŋenabu búmbaam.”»

Máciya 13:39

Alatoolaawu abetumuu emaanobasuuwayi, akila ammuu Sayitaane. Ecacayi, yo yommuu nan buloŋabu umbe bommuu li buban. Kucacaaku, buko kommuu kumalakaabuku.

Máciya 25:5

Emmuu ábutowaawu ábilaaliwut, básungutaabu kuŋenayi feh li kuŋooy to kuŋooy, li kúmooli.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

Eébulo 12:15

Jijuke to jakum bil an li bukuluul áfu’ li kájiyaku kata Ateemit. Jijuke to jakum bil an li bukuluul anokoo loon anuunuken átaliye, al̥iilulo li bukuluul min asik huwoogahu hooluul.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

2 Fiyeel 2:1

Babbaj no li bukanabuku kata Isilayeel, bukan kámale koon kufulofet koom. Fan baj foof li bukuluul bukan kaliikene bukan wah walet mal̥egen. Fan kuliiken bukanabuku li búhoolo ló, útin wata kájimen bukan, ban fan yok kuceeŋ Anahaanawu afakeniilumuu. Fan kúŋalul kaniilo kahile boot li buko humumiil.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 2:20

Bale libaje wah wan eete iwatateni mata wo: lukaakat anaalaawu an koonemuu Jesabel, ámalemuu aan afulofet laam, min ájimen kulokaabuku kúmbaam. Li kulimaku kan aliikenemuu ésukayi labuntumiilumuu min kunaak kúfulo bo muñaˈa, li kunaak kutokoñ eliw yata sínuukuleŋ sawaaseni.