Máciya 12:41 - Jola-Kasa

⁴¹ Li Hunakahu hata Batiibabu, bukanabuku kata ésukayi yata Niniib fan kuyito hákil bukanabuku kata muñeˈe min kulob buu kata muñeˈe kuhoofoomuu eeno. Mata kata Niniib, nan Sonaas awaaleyiilumuu hulimahu hata Ateemit, kubeebet búsol buloŋabu booliil buhaanabu, min kuloŋ loon Ateemit afañumuu. Ban baje taate wah wahaŋe Sonaas.

Máciya 12:41 Referencias Cruzadas

Máciya 12:39

Yéesu li aaniil: — Bukanabuku kata muñeˈe kakaanumuu bukan kajakut, ban kútuulut Ateemit, li kul̥aw mantee li kujuk wah wájaahaleniye. Bale let kujuk búhiisenum bájaahaleniye bábuto li wahawu wabujumuu Sonaas ammuu afulofet.

Máciya 12:42

Li Hunakahu hata Batiibabu, Aseekenawu ata etaamayi yan koonemuu Seeba, fan ayito hákil bukanabuku kata muñeˈe min alob buu kuhoofoomuu eeno. Mata labilumbilum ban lóyiye ŋáa’, abil ajanten bújallowabu bata Salomoŋ. Ban baje taate wah wahaŋe Salomoŋ.

Máciya 12:45

Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.

Máciya 12:6

Fan ilobuul eenuul, baje taate wah wahaŋe maluukeni Eluufayi yata Ateemit.

Máciya 16:4

Bukanabuku kata muñeˈe kajakutumuu ban kútuulut Ateemit, kóomi li huŋes min kujuk búhiisenum bájaahaleniye. Bale let kujuk búhiisenum bakee bájaahaleniye bábuto li wahawu wabajumuu Sonaas. Ban Yéesu li akatiil to min ajow.

Máciya 17:17

Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.

Máciya 23:36

Li mal̥egenamu fan ilobuul, katekaku kata eketayi yata bukanabuku umbuku feh, fan kulo li bukanabuku kata muñeˈe.

Hulimahu Hásuumaahu loon Lík akiic homuu 11:32

Li Hunakahu hata Batiibabu, bukanabuku kata ésukayi yata Niniib fan kuyito hákil bukanabuku kata muñeˈe min kulob buu kuhoofoomuu eeno. Mata nan Sonaas awaalemuu kata Niniib Hulimahu hata Ateemit, kubeebet búsol buloŋabu booliil buhaanabu, min kútiiwo kuŋa’ buloŋ buwunkul. Ban baje taate an ahaŋe Sonaas.

Hulimahu Hásuumaahu loon Saŋ akiic homuu 3:31

— Anawu abilumulomuu haatiya lahaŋe bukanabuku feh. Anawu abilumulomuu li etaam, etaamayi ekilool, ban li anaak alob mata wahawu wabajumuu li etaamayi. Anawu abilumulomuu li emitayi lahaŋe bukanabuku feh.

Hulimahu Hásuumaahu loon Saŋ akiic homuu 4:12

Waa, awu fíle luhaŋe átuubawoli ahaan Sakob? Okila ákatolimuu ekoloŋayi inye, ban akila humumool lahohhob malamu mata yo boot li kuñoolool ló, li foof sínuukuleŋasu soola.

Kata Lom 2:27

Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.

Eébulo 11:7

Káyinen kújimuu Nówe li ajanten kulimaku kan Ateemit aloboolumuu ákibben mata wahawu wajukolutimuu. Li akaan to buyinumool li kulimaku kan Ateemit aloboolumuu, min akaan busaana báamak dán áfakenummuu butoŋabu boola foof bo feh. Muñowu láhiisummuu kaanaku adunaayi ekajenkajen, ban Ateemit li ajokool an acole humum hata káyinenaku koola.