Máciya 12:36 - Jola-Kasa

³⁶ Fan ilobuul eenuul, li Hunakahu hata Batiibabu, anoowan fan atal hákil Ateemit wáa újiye li alob hulim hanoohan hajakut.

Máciya 12:36 Referencias Cruzadas

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 11:22

Mó mújimuu fan eenuul, li hunakahu hata batiibabu, katekaku kooluul fan kuhaŋ mátaañi kata Tiil li Sidoŋ.

Máciya 12:37

Mata li kulimaku kooli Ateemit áatummuu atiibi min aseni bakooŋ, mantee foof li abeti li katek.

Kata Lom 14:12

Mó mújimuu, anoowan li alolaal fan abil ayito hákil Ateemit min acahenoolo akila humumool.

Kata Lom 2:16

Wahawu unwu wommuu li ubil ujuki li hunakahu nan Ateemit ammuu li ájowum li Yéesu Kilisita min atiib wahawu feh wayolomuu li buloŋabu bata bukanabuku, loon Hulimahu Hásuumaahu han iwaaleyemuu li ho hulobumuu.

Saak 3:6

Húlelluf foof sambun. Li ho majakutamu múfulumulemuu. Ban li húginnoo li wah waawu feh wammuu li eniilayi, min hunaak husik eniilayi feh. Húlellufahu fan huyaben sambun li buloŋabu boololaal foof bo feh, nan ommuu ubukaali boot yok nan ommuu uketaal. Sambunasu unsu, li sambunasu humum so sáhokoweliitumuu sata sílaamasu sibilumulo.

Búhiisenumabu 20:12

Muñeˈe li ijuk bukanabuku kaketumuu, káamakabuku li katitabuku mayitowe hákil efenjeŋayi yata jáyiiyaju. Síliibal li síbabuli, ban éliibal yakee foof li ébabuli: yo yommuu éliibalayi yata buloŋabu. Bukanabuku kaketumuu li kutiibi naboo li wahawu wan anoowan li buko akaanumuu, loon kiicumuu li síliibalasu.