Máciya 12:34 - Jola-Kasa

³⁴ Sil̥aal̥akase! Buu eete kaan li jiyili jilob majake bukuluul jajakutumuu? Mata wahawu wammuu li buyinumabu, wo butumabu búlobewulumuu.

Máciya 12:34 Referencias Cruzadas

Máciya 12:35

An ajake, li buyinumool bajake lálobume kulim kajake. An ajakut, li buyinumool bajakut lálobume kulim kajakut.

Máciya 15:18

Bale wah wáfulumulo li butum li buyinumabu ubilume, ban wahawu unwu ukaanemuu an min eeni lasikosiko hákil Ateemit.

Máciya 23:33

Sinuukayilaase! Bañiil bata sil̥aal̥ak! Buu joote ban di jikaan min jifak li katekaku kata li sambunasu?

Máciya 3:7

Nan Saŋ ajukumuu Kufaaliisiyeŋ li Kusaduusiyeŋ kameeŋe li kubil boot min ábatiiseyiil, li aaniil: — Sil̥aal̥akase! Ayimaa ahebuluul buu jóomi li jikaan min jifak li katekaku kaanomuu li ebil kata etindihuuñayi yata Ateemit?

Hulimahu Hásuumaahu loon Lík akiic homuu 3:7

Muñeˈe Saŋ li aan búsukabu babilumuu boot min ábatiiseyiil: — Sil̥aal̥akase! Ayimaa abuntuluul aanuul jíbatiisemuu li jifak li katekaku kaanomuu li kubil kata etindihuuñayi yata Ateemit?

Hulimahu Hásuumaahu loon Lík akiic homuu 6:45

An ajake li buyinumool bajake lákaanume wah wajake. An ajakut li buyinumool bajakut lákaanume wah wajakut; mata wahawu wammuu li buyinumabu, wo butumabu búlobewulumuu.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Kata Efées 4:29

Jakum kulim kajakut kúfulumul li utumawu wooluul, bale jinaak jilob kulim kásuume kata kawankulen bukan li káyinenaku kooliil. Koote kulako kulim kata kalamben anawu ajantenemuu li ko.

Kata Efées 5:4

Jakut foof min jinaak jilob kulim kata búsunnikoo, kulim kata bul̥uuhoo, mantee foof kúmalla kásuumut bajam. Kulimaku kooluul koote kulako kulim kata kasal Ateemit.

Saak 3:2

Alolaal foofolaal feh lutilenaaletilen ñameeŋe alolaal li elob. Nokoomuu loon baje an áliimooleliit akila li elob, anawu ummu an anabe. Lakankaan an ayilo foof ajokoo foofool feh.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.