Máciya 12:32 - Jola-Kasa

³² An alobumuu kulim kajakut aya li Añool-An, Ateemit fan abonketool; bale an alobumuu kulim kajakut aya li Buyinumabu Banabaabu, Ateemit let abonketool li buloŋabu umbe, let abonketool foof li buloŋabu babilemaa.

Máciya 12:32 Referencias Cruzadas

Máciya 11:19

Añool-An li abil ban li anaak atiñ, li ahob, bukanabuku li koon: “Jijuke ánayinaawu ummu. Akila hutiñ bale li kákaliyenoo bale layinoole, abuke ata kúyababuhal li kuhoofoola.” Bale bújallowabu bata Ateemit, li bakaane búhaasumeyi.»

Máciya 12:31

Mó mújimuu fan eenuul, bukanabuku kuyilo kubonketi kahoofoo kanookan kan kukaane, li kagel kanookan kan kugele Ateemit, bale an agelumuu Buyinumabu Banabaabu, Ateemit let abonketool.

Máciya 12:8

Mata Añool-An ammuu Amaaŋenawu ata húyiiyaayahu hoololaal.

Máciya 13:22

Etaamayi yata banuunukenabu bata úbujaawu dán sígulasu silomuu, yo yommuu anawu ajamumuu Hulimahu hata Ateemit aban, uyinoolawu wata buloŋabu bata muñeˈe, li jabuntaju jata kásuumaku kata ebajayi, li kúgoben Hulimahu, min jí anawu li áloŋaati loon Hulimahu hulobumuu.

Máciya 13:39

Alatoolaawu abetumuu emaanobasuuwayi, akila ammuu Sayitaane. Ecacayi, yo yommuu nan buloŋabu umbe bommuu li buban. Kucacaaku, buko kommuu kumalakaabuku.

Máciya 13:40

Mó mújimuu, loon emaanobasuuwayi eluucimuu ban li ebeteni li sambun, mo foof emmuu bil nokoo nan buloŋabu umbe bommuu li buban.

Máciya 13:55

Kama kele inti akila ammuu añiilawu ata adaajaawu ata siluufasu? Inti Mali ammuu jaawool. Ban kama inti Saak, Suseef, Simoŋ, li Súd kommuu kutuyool?

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Maak 10:30

fan abaj muñeˈe li taŋayi inye ñoono éteemeel, siluuf, li kutuyaay, li kúliinaay, li sijaawaay, li bañiil, li ul̥aak. Bale bukanabuku fan kúlaatenool, ban fan abil abaj buloŋabu bábaneliitumuu li taŋayi yabilemaa.

Maak 3:28

«Li mal̥egenamu boot min ilobuul, Ateemit fan abonket bukanabuku uhoofoolawu wooliil wan kukaanumuu feh, li ugelawu feh wan kugelewoolumuu.

Maak 3:29

Bale an agelumuu Buyinumabu Banabaabu, Ateemit let abonketool maayeet, mata lakankaan kahoofoo kata boot nanoonan.»

Hulimahu Hásuumaahu loon Lík akiic homuu 12:10

«An li abil alob hulim hajakut aya li Añool-An, anawu ummu Ateemit fan abonketool. Bale an agelumuu Buyinumabu Banabaabu, Ateemit let abonketool.

Hulimahu Hásuumaahu loon Lík akiic homuu 16:8

Muñeˈe anahaanawu li asal alokaawu ummu ajakutumuu, mata min akaanumuu majakut li butuuko ló. Mata bukanabuku kata adunaayi inye kuhaŋe matuuko li wahiil, bukanabuku kaanomuu li mawuŋaamu.

Hulimahu Hásuumaahu loon Lík akiic homuu 18:30

anawu ummu fan ayab muñeˈe wah haŋ to ŋáa’, ban fan abil abaj buloŋabu bábaneliitumuu li taŋayi yabilemaa.

Hulimahu Hásuumaahu loon Lík akiic homuu 23:34

Muñeˈe Yéesu li aan: — Faafa, ubonketiil, mata kuhaasut waa kukaane li wo. Kusollaaliyaku li kuñak kútuken min kugaboo wañawu woola.

Hulimahu Hásuumaahu loon Lík akiic homuu 7:34

Añool-An li abil ban li anaak atiñ, li ahob, li joon: «Fan jijuke, ánayinaawu ummu hutiñ li ehob bunuk bale layinoole, okila ammuu abukaawu ata kúyababuhalabu li ata bukan kukee kajakut!»

Hulimahu Hásuumaahu loon Saŋ akiic homuu 7:12

Búwonnoo báamak li bulako li búsukabu mata Yéesu. Kukee li koon: — Laalu an ajake. Kaabuku li koon: — Maayeet, kájimen ésukayi bale láami lí kó.

Hulimahu Hásuumaahu loon Saŋ akiic homuu 7:39

(Yéesu lalollob kulimaku unku aya li Buyinumabu Banabaabu, ban káyinenumuu li akila kóotimuu kuyab. No unnu, Buyinumabu Banabaabu bo basenoluti, mata Ateemit báhiisolut máyiineniyamu mata Yéesu.)

Hulimahu Hásuumaahu loon Saŋ akiic homuu 7:52

Li koonool: — Inti awu foof an ata etaamayi yata Gálile? Uŋes li Bakiicelabu, fan ujuk oon bilut baj afulofet abilumulo li etaamayi yata Gálile. [

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Kata Efées 1:21

Kilisita lahaŋe kuhaanaaku feh, kuwoogaku feh li kujojaku feh kata uyinumawu feh wammuu li emitayi maayeet min kite eenimuu kubabbaj sembe sáamak. Kajawaku koola kuhaŋe mabaj sembe kajaw kanookan feh boot nanoonan.

1 Tímote 1:13

maayeet min ilob nomuu kulim kajakut iya li akila, li ílaamenool ban li ikaanool majakut. Bale Ateemit láyiyenonyiyen mata ibajeenut káyinen li akila, ban ihaasut wahawu wan ilakomuu kakaan.

1 Tímote 1:15

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

1 Tímote 4:8

Kakaan min eniilayi elako li kásuumaay kubabbaj jáliŋ li wah watit, bale kátuul Ateemit kubabbaj jáliŋ li wahawu feh, mata kúŋaluleŋalul kásooniyen boot li buloŋabu umbe li boot li buloŋabu babilemaa.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

2 Tímote 4:10

Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Saak 1:27

Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.