Máciya 11:5 - Jola-Kasa

⁵ Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 11:5 Referencias Cruzadas

Máciya 10:8

Jifaken kásomutumuu. Jiyiten kaketumuu. Jifaken bukanabuku kan háhaayee ejokumuu. Jikesoo uyinumawu wajakutaawu úfu’ li bukanabuku kan újufomuu. Jiyayyab bacaamut, jisen bagel̥l̥enut bacaam.

Máciya 11:4

Yéesu li aaniil: — Jijow jikitten Saŋ wahawu wan jijamumuu li wan jijukumuu:

Máciya 12:13

Muñeˈe Yéesu li aan ánayinaawu ata kaŋenaku kaketumuu: — Ulaaw kaŋenaku kooli. Mal̥egen ánayinaawu li alaaw kaŋenaku koola, li kufak, min kulaañen kulako jak loon kaaku.

Máciya 21:14

Bukan káfuume li bukan kakaje li kubil kutook Yéesu li Eluufayi yata Ateemit, li afakeniil.

Máciya 5:3

— Awólo, kahaasumuu koon káyinenaku kooliil kutitititi hákil Ateemit, mata Jáyiiyaju jata Ateemit jooliil.

Máciya 9:30

Mal̥egen li kujuk. Yéesu li anuulooliil aaniil: — Jíkaanum, jakum jilob mo an.

Maak 7:37

Muñeˈe bukanabuku li kusego masego ŋáa’ gay li kunaak koon: — Wahoowah feh wan Yéesu akaane ujaajak ŋáa’! Maayeet kásokomuu li akaaniil min kujam, kakumbomuu li akaaniil kúlobul.

Maak 9:25

Nan Yéesu ajukumuu búsukabu li búteyoolul, li anuuloo buyinumabu bajakutumuu aan bo: — Buyinumabe bajakutumuu bájimuu añiilawu umme ayilaat alob, ayilaat foof ajam, úfu’ li akila ban jakum ulaañen újufowool!

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Saŋ akiic homuu 10:25

Yéesu li aaniil: — Lilobuul mo iban, bale jíyinenut. Bulokabu ban íkaanumemuu li kajawaku kata Atuubawom, bulollob múmbaam.

Hulimahu Hásuumaahu loon Saŋ akiic homuu 10:38

Bale ikaanumuu bulokabu, maayeet min jíyinenutumuu lí ínje, kama li jíyinen li bulokabu búmbaam, mantee li jihaas ban li jínaanum kaanaku ínje li Atuubaawu an ano joom, loon Atuubaawu lí ínje humumom jommuu an ano.»

Hulimahu Hásuumaahu loon Saŋ akiic homuu 2:23

Emmuu Yéesu Yeelusalem lalakowe nan kagaanaku kata Faakayi yata Kusuwifaku, bukan kameeŋe li kúyinen li akila nan kujukumuu búhiisenumabu bájaahalenimuu ban akaanumuu.

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 5:36

Bale ínje libaje wah walobe múmbaam wahaŋe wan Saŋ alobumuu aya lí ínje: wo wommuu bulokabu ban Atuubaawu asenommuu kakaan. Li mal̥egenamu, bulokabu umbu ban ikaanemuu búhihhiis kaanaku Atuubaawu áboñulom.

Hulimahu Hásuumaahu loon Saŋ akiic homuu 9:7

Nan akaanumuu loon muñaˈa aban, li aanool: — Ujow ufos buuli li hububuwahu han koonemuu Sílowe. (Sílowe, yo yommuu «an aboñi».) Mal̥egen nan ánayinaawu áfuumumuu ajowe afosumuu buulabu boola li hububuwahu, li álaañumul bo majuke.

Bakaanelabu 2:22

Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.