Máciya 11:29 - Jola-Kasa

²⁹ Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Máciya 11:29 Referencias Cruzadas

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 21:5

«Joon kata Siyoŋ: “Jijuke, áyiiyawu ooluul ummu li ebil boot booluul, ájoobiye buyinum, malemboole li asum aale, li hulaaha hata asum, hubuk hata asum aale.”»

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 7:24

— Mó mújimuu, an ajamumuu kulimaku kúmbaam unku, ban li akaan loon ilobumuu, lanokoonokoo li an ájallowe, ateefe eluufayi yoola tin l̥aal̥e.

Hulimahu Hásuumaahu loon Lík akiic homuu 8:35

Bukanabuku li kúfulul kubil bajukabu bata wahawu wabajumuu. Nan kúliiŋulumuu tan Yéesu alakomuu, li kujuk ánayinaawu an uyinum wajakutumuu úfulummuu li okila, mabahe li kootaku kata Yéesu ban li akaano wañ, ban okila mágiilowe. Ekole li ejokiil.

Hulimahu Hásuumaahu loon Saŋ akiic homuu 13:15

Li mal̥egenamu, likankaan loon muñaˈa min íhiisuul, bánum bukuluul foof li jinaak jikaan loon ínje ikaanuulumuu.

Hulimahu Hásuumaahu loon Saŋ akiic homuu 13:17

Muñeˈe emmuu jihaase wahawu unwu, áwolowuul bukuluul bakaane wo loon íhiisuul womuu.

Bakaanelabu 7:37

Móyiis amite alobumuu kata Isilayeel aaniil: “Ateemit fan áboñuluul afulofet loon ínje. Anawu ummu fan alako akee li kutuyuul.”

1 Kata Koolent 9:21

Li manolamu, ilakomuu li bukan kahaasut eluwaayi yata Móyiis, fan iloŋ loon kuloŋemuu, ban let ijuke li eluwaayi inyu yata Móyiis, mantee li iŋaliil boot li Yéesu Kilisita. Inti eeniseen mantee ínje ítuulut eluwaayi yata Ateemit, mata likaanekaan loon eluwaayi yata Kilisita elobumuu.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 10:5

li wahoowah feh wata katebenoolo wayilo úhi an áhaasum Ateemit. Alóli fan jijok kayinoo kanookan jijenk, min jikaan ko kútuul Kilisita.

Kata Fílib 2:5

Jiloŋ li tutooluul loon bukan káyinene li Yéesu Kilisita kuloŋemuu:

1 Kata Tesalonik 4:2

Li mal̥egenamu, bukuluul humumuul jihaase kulimaku kan jisenuuluumuu li kajawaku kata Amaaŋenawu Yéesu.

2 Kata Tesalonik 1:8

Yéesu fan abilum li húlaañaañ hata sambun, boot katek bukanabuku kahaasutumuu Ateemit ban li kuhoy bakaan loon Hulimahu Hásuumaahu hata Amaaŋenawu oololaal Yéesu hulobumuu.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

1 Saŋ 2:6

An aanumuu li Yéesu lajoke, anawu ummu laate aloŋ akila humumool loon Yéesu aloŋumuu.