Máciya 11:1 - Jola-Kasa

¹ Nan Yéesu akittenumuu kulimaku unku kúgoomaku aban, li áfulum tó ajow aliiken bukanabuku mata Ateemit ban li awaale li sísukasu sata halaabahu unhu.

Máciya 11:1 Referencias Cruzadas

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 7:28

Muñeˈe nan Yéesu alobumuu kulimaku unku ajow aban, ésukayi li esego feh, mata kulimaku kan aliikeniilumuu kúji.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 6:12

Mal̥egen kufootalaku li kujow kuwaale bukanabuku kaanaku koote kubet búsol buloŋelabu booliil buhaanabu min kuŋa’ buloŋ buwunkul.

Hulimahu Hásuumaahu loon Lík akiic homuu 23:5

Bale bukanabuku li kuhaŋ malob li sembe koon: — Lakaanekaan ésukayi égugguloo li baliikenelabu boola. Li etaamayi yata Gálile látoŋumulo, álowul li yata Súde. Muñeˈe láliiŋulo taate.

Hulimahu Hásuumaahu loon Lík akiic homuu 8:1

Muñeˈe li fiyo jakee, Yéesu li ajow li sísukasu sáamakasu li básukabu batitabu, ajow ayiiŋen ban li awaale bo Hulimahu Hásuumaahu hata Jáyiiyaju jata Ateemit. Kúgoomaku koola kuŋen li kúl̥ubaabuku, li kunab li okila,

Hulimahu Hásuumaahu loon Saŋ akiic homuu 15:10

Jítuulumuu kulimaku kúmbaam, fan jilako li húbooliyahu húmbaam, loon ínje humumom ítuulumuu kulimaku kata Atuubawom, min eeno li húbooliyahu hoola.»

Hulimahu Hásuumaahu loon Saŋ akiic homuu 15:14

Jikaanumuu wahawu wan ilobuulumuu, kubukewom joom.

Bakaanelabu 1:2

boot yok hunakahu nan Ateemit akaanoolumuu ajow boot li emitayi. Yéesu lal̥ul̥l̥us bukan kulako kufootal átowum ajow boot li emitayi. Ban lalobiilob no wahawu feh wan kommuu li kukaan akila bajeˈe. Wahawu wan Yéesu aaniilumuu kukaan, li sembe sata Buyinumabu Banabaabu lálobum wó.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 10:42

Yéesu láanolisaan jiwaale ésukayi Hulimahu Hásuumaahu, ban li jiyiiŋen kaanaku okila Ateemit al̥usumuu boot batiib bukanabuku kaloŋumuu li kaketumuu.

1 Kata Tesalonik 4:2

Li mal̥egenamu, bukuluul humumuul jihaase kulimaku kan jisenuuluumuu li kajawaku kata Amaaŋenawu Yéesu.

2 Kata Tesalonik 3:10

Li mal̥egenamu, nan jilakomuu booluul jilobuulob kaanaku: «An afañutumuu min alok, jakum foof atiñ.»

2 Kata Tesalonik 3:6

Kutuyom, wahawu unwe jil̥awuul li kajaw kata Amaaŋenawu: jitey an li bukuluul afañut bulok, ban li ahoy baloŋ nab li makaanelamu man jiliikeniilumuu.

1 Tímote 6:14

ukaan jak loon kulimaku kan uyabumuu kulobumuu. Jakum util li ko tanootan ban jakum foof an ayili alob majakut aya li awu boot yok nan Amaaŋenawu oololaal Yéesu Kilisita ammuu li álaŋul.