Máciya 10:5 - Jola-Kasa

⁵ Yéesu li aboñ kúgoomaku koola kuŋen li kúl̥ubaaku, min aaniil: — Jakum jinoken li sísukasu sata bukanabuku kákaanumutumuu li Ateemit balewool. Jakum foof jinoken li ésuk yata Samali.

Máciya 10:5 Referencias Cruzadas

Máciya 22:3

Ayíiyawu li aboñ kulokaabuku koola kujow kúhooñul bukanabuku kan ahebumuu búyabowabu. Bale li kuhoy babil.

Máciya 4:15

«Etaam yata Sábuloŋ li yata Natali, laañ loon bata húwajahu, kageb kaaka katunkaku kaaneyimuu Suuludeŋ, Gálile, etaam dán bukan kalet Kusuwif kukine.

Maak 6:7

Li ahooñ kúgoomaku kuŋen li kúl̥ubaaku min aseniil kayile kata kakesoo uyinumawu wajakutumuu úfu’ li bukanabuku, ban li aaniil kujow kúl̥ubal̥uba ban aboñiilumuu.

Hulimahu Hásuumaahu loon Lík akiic homuu 10:1

Nan fú’ tómuu, Amaaŋenawu li al̥us kúgoom kukee koono kúyii kúhaaji li kuŋen li kúl̥uba. Ban li aboñiil kúl̥ubal̥uba kujow ló boot li sísukasu feh, li tinootin tin akila humumool áami li ajow.

Hulimahu Hásuumaahu loon Lík akiic homuu 10:33

Bale li baj ánayine akine Samali alakowe ejow kañaahoo, li ájowum li bútinabu tin ánayinaawu an kucokenumuu alakomuu. Nan ajukoolumuu, li áyiyenool ŋáa’.

Hulimahu Hásuumaahu loon Lík akiic homuu 17:16

Li áliiŋul, li ákuntuŋ tin kootaku kata Yéesu, min aŋa’ buulool aya teetaam min alakowool kasal. Anáyinaawu ummu álaañulumuu, an ata Samali.

Hulimahu Hásuumaahu loon Lík akiic homuu 9:1

Yéesu li áhooñul kúgoomaku koola kuŋen li kúl̥uba kubil kuwoog, min aseniil sembe li kayile kata kakesoo uyinumawu wajakutumuu li kata kafaken bukan kásomute.

Hulimahu Hásuumaahu loon Lík akiic homuu 9:2

Fúlum tó, li aboñiil kujow kawaale Jáyiiyaju jata Ateemit, min kufaken kásomutumuu.

Hulimahu Hásuumaahu loon Saŋ akiic homuu 17:18

Liboñiiboñ li adunaayi, loon awu humumi uboñommuu li adunaayi.

Hulimahu Hásuumaahu loon Saŋ akiic homuu 20:21

Yéesu li alaañen aaniil: — Kásuumaay kulako li bukuluul! Loon Atuubaawu áboñulommuu, mo foof ínje emmuu li iboñuul.

Hulimahu Hásuumaahu loon Saŋ akiic homuu 4:20

Sítuubawoli sihaan sata Samali li huyuuyahu unha sinaake simanen Ateemit, bale bukuluul Kusuwifaku li joon Yeelusalem ésukayi yóotimuu enaak emanen Ateemit.

Hulimahu Hásuumaahu loon Saŋ akiic homuu 4:5

Muñeˈe Yéesu li alako ejowayi, li áliiŋ li ésuk yakee yata Samali yan koone Sicaal, yakooje eŋamayi yan Sakob asen nomuu añoolool Suseef.

Hulimahu Hásuumaahu loon Saŋ akiic homuu 4:9

Anaalaawu áfulumulomuu Samali li aan Yéesu: — Kama awu inti Asuwif kujamoolut li kata Samali.)

Hulimahu Hásuumaahu loon Saŋ akiic homuu 7:35

Kunahaanaku kata Kusuwifaku li kunaak kugel̥l̥enoo koon: — Kama sum bay lajeˈe boot, ban ootut uyiliyaal ujowaal utookaalool? Boot fíle min ajow boot bata bukanolaal kajowumuu kukin li kata Gilees, ajow aliiken bo kata Gilees?

Hulimahu Hásuumaahu loon Saŋ akiic homuu 8:48

Kusuwifaku li koonool: — Jikooŋut fíle min joonumuu awu an ata Samali, ban buyinum bajakut bújufoyi?

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 10:45

Kusuwifaku káyinenumuu li Yéesu kánabulumuu li Fiyeel, li kusego ŋáa’ min Ateemit áwalenulomuu Buyinumabu Banabaabu bubil bulako foof li bukanabuku kákaanumutumuu li Ateemit balewool.

Bakaanelabu 8:1

Muñeˈe Sóol lafanfañ min kumukumuu Ecen. Li baj li hunakahu unhu hanolahu, jálaaten jáamak li Ejanguwayi yata Yeelusalem. Káyinenumuu li Yéesu feh li kuyiisoo kujow boot li etaamayi yata Súde li yata Samali, jow saŋo Kufootalaku.

1 Kata Tesalonik 2:16

Li kufañeen min kúhiloli jíwaalewum bukanabuku kaletumuu kusuwif, Hulimahu hayilimuu hufakeniil. Muñowu kúhaŋummuu mawuuhen uhoofoolawu wooliil wan kufinemuu min kukaane kábilum no. Ban muñeˈe etindihuuñayi yata Ateemit elowe li buko.