Máciya 10:3 - Jola-Kasa

³ Fílib li Baatilime, Toma li Máciya ammuu áyababuhal ata Alife li Tade,

Máciya 10:3 Referencias Cruzadas

Máciya 18:17

Ahoyumuu bajanteniil, ulob mo Ejanguwayi. Ahoyumuu foof bajanten Ejanguwayi, ujokool loon an ákaanumut li Ateemit balewool, mantee foof loon an ajakut.

Máciya 27:56

Li kanaalaabuku umbuku, Mali ata ésukayi yata Madala, li Mali jaaw ata Saak buko Suseef, li jaaw ata bañiilabu bata Sebede, to kulakowe.

Máciya 9:9

Yéesu li alako ejow, li ajuk ánayine áyababuhal an koone Máciya mabahe tan kuyabemuu búhalabu, li aanool: — Unábul lí ínje. Mal̥egen Máciya li ayito anab li akila.

Maak 15:40

Li baj foof kanaale kalakowe lóyi min kunaak kúŋandenul. Li kanaalaabuku umbuku, Mali ata ésukayi yata Madala, li Mali jaaw ata Saak Atitawu buko Sóose, li Salome, to kulakowe.

Maak 2:14

Yéesu li alako ejow, li ajuk Lebi ata Alife, mabahe tin yabemuu búhalabu. Li aan Lebi: — Unábul lí ínje. Mal̥egen Lebi li ayito anab li akila.

Maak 3:18

Andele, Fílib, Baatilime, Máciya, Toma, Saak ata Alife, Tade, Simoŋ ata hujojahu haaneyimuu Selot,

Hulimahu Hásuumaahu loon Lík akiic homuu 18:10

— Bile baj kánayine kúl̥uba kajowe kal̥aw li eluufayi yata Ateemit. Akee li buko afaaliisiyeŋ.

Hulimahu Hásuumaahu loon Lík akiic homuu 18:11

Afaaliisiyeŋawu li ajow alako balewool min al̥aw aan: «Ateemit, lisali min inokoolutumuu loon bukan kaabuku kákuuwetemuu, li kájakaatimuu, ban li kunaak kuhinten kanaale kalet kooliil. Lisali min inokoolutumuu loon áyababuhalabu umma.

Hulimahu Hásuumaahu loon Lík akiic homuu 18:13

Ayábabuhalabu okila li ayito lóyi, ban afanut akaañen ateb kúkilool ajuke emitayi. Bale li anaak atek li bagiŋool min aan: «Ateemit, úyiyenom, ínje ahoofoola.»

Hulimahu Hásuumaahu loon Lík akiic homuu 19:2

Muñeˈe li baj to ánayine akee aaneyi Saase, alakowe anahaanawu ata kayabemuu búhalabu, ban li akaan an abaje.

Hulimahu Hásuumaahu loon Lík akiic homuu 5:27

Nan fú’ tómuu, Yéesu li áfulul, li ajuk áyababuhal an koone Lebi mabahe tan halemuu. Yéesu li aanool: — Unábul lí ínje!

Hulimahu Hásuumaahu loon Saŋ akiic homuu 1:48

Natanayeel li agel̥l̥enool aanool: — Kama buu lúhaasumom? Yéesu li aanool: — Lijuki nan ulakomaa tin bul̥el̥uwabu tówum Fílib ahooñuli.

Hulimahu Hásuumaahu loon Saŋ akiic homuu 11:16

Muñeˈe Toma an koonemuu «Mál̥uba» li aan kúgoom kaabuku: — Kama ololaal foof ujowaal uketaal li mano li Anahaanawu oololaal!

Hulimahu Hásuumaahu loon Saŋ akiic homuu 14:22

Sudaas, (ábutimuu li Sudaas Isikaaliyot) li agel̥l̥en Yéesu aanool: — Anahaan, kama buu kaane lóoti ukaan min jihaasi, ban let ukaan min bukanabuku kata adunaayi kuhaasi?

Hulimahu Hásuumaahu loon Saŋ akiic homuu 14:5

Toma li aan Yéesu: — Anahaan, áloli jihaasut ban awu ujowe boot. Buu eete kaan li jihaas bútinabu?

Hulimahu Hásuumaahu loon Saŋ akiic homuu 14:9

Yéesu li aanool: — Fiyowe ŋáa’ nan éemi li bukuluul. Uhaasolutom boot muñeˈe, Fílib? An ajukommuu, Atuubaawu lajuke. Kama buu kaane li oon: «Uhíisoli Atuubaawu?»

Hulimahu Hásuumaahu loon Saŋ akiic homuu 21:2

Simoŋ Fiyeel, li Toma (aaneyimuu Mál̥uba), li Natanayeel (ata ésukayi yata Kaana li etaamayi yata Gálile), li bañiilabu báyinaabu bata Sebede, li kúgoom kúl̥uba foof kata Yéesu, tin tano kulakowe.

Bakaanelabu 1:13

Nan kúliiŋumuu Yeelusalem, li kuŋito kujow kulako li káfitaku dán kuwoogemuu. Káfitaku unku haatiya eluuf kulakowe. Kalako tomuu buko kommuu umbuke: Fiyeel, Saŋ, Saak li Andele, Fílib li Toma, Baatilime li Máciya, Saak an Alife abukumuu, Simoŋ alakomuu li hujojahu haaneyimuu Selot li Súd ata Saak.

Bakaanelabu 12:17

Muñeˈe Fiyeel li aŋa’ kaŋenool min akaaniil kulu, ban li akitteniil buu Amaaŋenawu áfulenumuloomuu li hukul̥ahu. Li alaañen aaniil: — Jilob mo Saak li kutuyolaal kaabuku. Ban li áfulul ajow boot bakee.

Bakaanelabu 15:13

Nan kubanumuu elobayi, Saak li aŋa’ hulimahu min aan: — Kutuyom jijantenom!

Bakaanelabu 21:18

Li líiŋ hunak hukaten, li jijow áloli li Fool boot bata Saak, ban kunahaanaku kata ejanguwayi feh kuwoogumuu.

Kata Galasi 1:19

Ijukut afootal akee. Saak bale lijuke ammuu atuyawu ata Amaaŋenawu.

Kata Galasi 2:9

Muñeˈe Saak buko li Fiyeel li Saŋ, kajokimuu loon buko kommuu siyiilasu sata Ejanguwaayi, kuhahhaas koon Ateemit lasenonsen káji min ikaan bulokabu umbu. Mó mújimuu, li kúyaboli kuŋen ínje li Balunabaas, min kúhiis kaanaku dín dáno joom li buko, min lako áloli jijow jilok li bukanabuku kaletumuu kusuwif, buko li kujow kulok li kusuwifaku.

Saak 1:1

Injé Saak, ammuu aloka ata Ateemit li ata Amaaŋenawu, ikiice eleetalayi inye. Injé ummu li kasaaf bukanabuku feh kata Ateemit, kayiisoomuu kujow koono tanootan li adunaayi feh.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.