Máciya 10:1 - Jola-Kasa

¹ Yéesu li áhooñul kuŋen li kúl̥ubaaku kammuu kúgoomaku koola, min aseniil kayile kata kakesoo uyinumawu wajakutumuu úfu’ li bukanabuku kan újufomuu, li kayile kata kafaken kásomut kanookan, li jilum janoojan.

Máciya 10:1 Referencias Cruzadas

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 26:20

Muñeˈe li bil líiŋ kátiimaku, Yéesu li abah li kúgoomaku u koola ló kuŋen di kúl̥uba boot hutiñ.

Máciya 26:47

Nan Yéesu alakomuu elobayi, Sudaas alakomuu akee li kúgoomaku kuŋen li kúl̥uba li áliiŋul. Li ánaboolul li búsuk bajunkowulo síkundu li sigol. Bukanabuku umbuku huhaanaahu hata élambaayi li kunahaanaku kata ésukayi kúboñuliil.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Máciya 9:38

Mó mújimuu, jil̥aw Amaaŋenawu ata ecacayi, min áboñul kucaca boot li kal̥aakaku koola.

Hulimahu Hásuumaahu loon Lík akiic homuu 10:19

Jijanten, lisenuusen sembe sata min jíjowum li sinuukayila, li sil̥anguu, min jiheek sembaasu feh sata alatoolaawu. Ban wahoowah wajakut let ubajuul.

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Lík akiic homuu 24:49

Ban ínje humumom fan íboñuluul wahawu wan Atuubawom aanumuu fan asen wo. Bale jilako li ésukayi boot yok nan sembaasu sata haatiya sommuu li síwalowul sibil silako li bukuluul.

Hulimahu Hásuumaahu loon Lík akiic homuu 6:13

Nan banakabu buyitowulumuu, Yéesu li áhooñul kúgoomaku.

Hulimahu Hásuumaahu loon Saŋ akiic homuu 17:2

Mata lusenoosen kayile li bukanabuku feh, mantee li asen buloŋabu bábaneliitumuu bukanabuku feh kan usenoolumuu.

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Hulimahu Hásuumaahu loon Saŋ akiic homuu 3:35

Atuubaawu láboolibooli Añiilawu, ban li akat wahawu feh li kuŋenool.

Hulimahu Hásuumaahu loon Saŋ akiic homuu 6:70

Yéesu li aaniil: — Kama inti ínje il̥usuul bukuluul kuŋen li kúl̥ubaaku? Bale akee li bukuluul an ata Sayitaane!

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 19:15

Bale buyinumabu bajakutumuu li booniil: — Lihaase Yéesu ban li haase ayi ammuu Fool, bale bukuluul bukay joom?

Búhiisenumabu 12:1

Fúlum tó, búhiisenum báamak li búfulumul li emitayi. Búhiisenumabu umbu li bulako anaale aŋale banakabu min águuyoo loon kañ. Hul̥eeñahu li hulako kata láala kootaku koola, ban li aaken li húkowool éjambi yata siwuut soono kuŋen li síl̥uba.