Maak 9:29 - Jola-Kasa

²⁹ Yéesu li aaniil: — Buyinum bajakut loon umbu, kal̥aw bale kuyilo bo kúfulen li an.

Maak 9:29 Referencias Cruzadas

Máciya 12:45

Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 17:21

Bale buyinum bajakut loon umbu, kal̥aw li kamommo bale kuyilo bo kúfulen li an.

Maak 9:28

Muñeˈe nan Yéesu alaañumuu boot li eluufayi, kúgoomaku koola li kugel̥l̥enool buko balakowe baleyiil koonool: — Wáa újiye óloli jiyilaat jikesoo buyinumabu umbu búfu’ li añiilawu?

Maak 9:30

Muñeˈe li kúfulum tó, li kujow kuliij etaamayi yata Gálile, ban Yéesu afañut min an ahaas,

Hulimahu Hásuumaahu loon Lík akiic homuu 11:26

Muñeˈe buyinumabu bajakutumuu li bulaañ bujow búŋalul uyinum wakee wajakut woono hutok li úl̥uba, wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu.

Bakaanelabu 14:23

Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.

1 Kata Koolent 9:27

Liteetek eniilayi yúmbaam séngi, ban li ijok yo eeken jakum bil iwaale kaabuku Hulimahu Hásuumaahu iban, li lako ínje ílet ló li bukanabuku kammuu li kuyab bacaamabu.

2 Kata Koolent 11:27

Liloolok ŋáa’ ban li ílaam foof ŋáa’. Ñameeŋe inaakut iyili ímooli. Li inaak icaalet ban inaakut ibaj ihob, ban ñameeŋe inaakut ibaj itiñ. Kutont kunaanaak kujokom ban inaakut ibaj wañ ikoko.

2 Kata Koolent 12:8

Lil̥awe ñoono ñáhaaji Amaaŋenawu mantee li afakenom li sílaamasu unsu.

2 Kata Koolent 6:5

Kútekolitek ban li kúŋaloli kujow kukul̥. Li kuyitenul ésukayi boot li áloli, ban li kúmukoli li bulok. Li kúhiloli jímooliwum, ban li kúhiloli foof jitiñum.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Saak 5:15

Kunahaanaku kata ejanguwayi kúyinenumuu kaanaku anawu ummu ásomutumuu fan afak, mal̥egen fan afak. Ban Amaaŋenawu fan asenool kásuumaay. Ban foof nokoomuu loon lakankaan kahoofoo, Ateemit fan abonketool ko.