Maak 9:27 - Jola-Kasa

²⁷ Bale Yéesu li átuk añiilawu li kaŋen min alambenool ayito. Mal̥egen añiilawu li ayito.

Maak 9:27 Referencias Cruzadas

Máciya 9:25

Nan kúfulenumuu ésukayi kuban, Yéesu li anoken li káfitaku áliiŋ li átuk kaŋenaku kata jísungutaaju, li jiyito.

Maak 1:31

Yéesu li ajow akooj anaalaawu, ban li átukool li kaŋen min ayiten. Anaalaawu li afak li kásomutaku koola, min akaaniil kutiñ.

Maak 1:41

Muñeˈe Yéesu li áyiyen ánayinaawu ŋáa’. Li atooken kaŋenool agolool ban li aanool: — Lifañe. Ufak li kásomutaku kooli!

Maak 5:41

Nan Yéesu áliiŋumuu, li átuk jísungutaaju li kaŋen ban li aan jo: — «Talita kúmi!» (Yo yommuu: «Tóom, uyito, ínje ilobi mo!»)

Maak 8:23

Yéesu li átuk ánayinaawu áfuumumuu li kaŋen min aŋalool kúfu’ li ésukayi. Nan kúliiŋumuu tíyaŋ ésukayi, Yéesu li aŋa’ kumasaku koola áki’ li kúkilaku kata ánayinaawu áfuumumuu, ban li awalen kuŋenool li húkowahu hata ánayinaawu min agel̥l̥enool aanool: — Mantee lujuke wah ukee?

Maak 9:26

Mal̥egen buyinumabu bajakutumuu li bukaaw butiya, ban li búlilliŋen añiilawu li sembe min búfu’ li akila. Añiilawu li afan anokoo to loon an akete, gay bukan kameeŋe kalako to li koon lakeeket.

Maak 9:28

Muñeˈe nan Yéesu alaañumuu boot li eluufayi, kúgoomaku koola li kugel̥l̥enool buko balakowe baleyiil koonool: — Wáa újiye óloli jiyilaat jikesoo buyinumabu umbu búfu’ li añiilawu?

Bakaanelabu 23:19

Anahaanawu áamakawu ata esollaaliyayi li átuk añiilawu li kaŋen, min aŋalool kuyinno li kakaŋ, ban li agel̥l̥enool aanool: — Waa lubaje ulobom?

Bakaanelabu 3:7

Nan Fiyeel alobumuu ánayinaawu abobomuu loon muñaˈa aban, li átukool li kaŋen kúli boot min akaanool ayito. Kootaku kata ánayinaawu abobomuu li kuyaan kulit boot li siwagasu soola ló.

Bakaanelabu 9:41

Fiyeel li átukool li kaŋen min alambenool ayito. Ban, li áhooñul bukanabuku káyinenumuu li Yéesu, li kanaalaabuku kahokumuu kúyiniil, min áŋalul Tabita áhiisiil maloŋe.