Maak 9:25 - Jola-Kasa

²⁵ Nan Yéesu ajukumuu búsukabu li búteyoolul, li anuuloo buyinumabu bajakutumuu aan bo: — Buyinumabe bajakutumuu bájimuu añiilawu umme ayilaat alob, ayilaat foof ajam, úfu’ li akila ban jakum ulaañen újufowool!

Maak 9:25 Referencias Cruzadas

Máciya 12:22

Muñeˈe li kúŋalul Yéesu ánayine áfuume ban ayilaat alob, mata buyinum bajakut bújufowool. Yéesu li afaken ánayinaawu min jíwool li ayili álobul, li ayili foof ajuk.

Máciya 17:18

Muñeˈe nan kúŋalulumuu añiilawu, Yéesu li anuuloo li sembe buyinumabu bajakutaabu. Li búfu’ li añiilawu áyinaawu, min ayaan afak to.

Maak 9:15

Nan búsukabu buyaane bujukumuu Yéesu, li busego ŋáa’. Bukanabuku li kúteyoolul kubil kusaafool.

Maak 9:24

Muñeˈe atuubaawu ata añiilawu li ayaan alob butiya aan: — Líyinene, Amaaŋen! Bale ulambenom mata káyinenom kufamut.

Maak 9:26

Mal̥egen buyinumabu bajakutumuu li bukaaw butiya, ban li búlilliŋen añiilawu li sembe min búfu’ li akila. Añiilawu li afan anokoo to loon an akete, gay bukan kameeŋe kalako to li koon lakeeket.

Hulimahu Hásuumaahu loon Lík akiic homuu 11:14

Muñeˈe Yéesu li alako kakesoo buyinum bajakut búfu’ li ánayine an bújufowe, min bújiwool ayilaat alob. Nan buyinumabu bajakutumuu búfulumuu li ánayinaawu, li ayili álobul. Búsukabu li busego feh.

Hulimahu Hásuumaahu loon Lík akiic homuu 4:35

Yéesu li anuuloo buyinumabu bajakutumuu li sembe aan: — Ulu ban li úfu’ li ánayinaawu ummu! Buyinumabu bajakutumuu li bubet ánayinaawu teetaam hákil ésukayi feh, min búfu’ li akila, bakaanutool majakut.

Hulimahu Hásuumaahu loon Lík akiic homuu 4:41

Uyinum wajakut li úfu’ foof li bukan kameeŋe kan újufoyeenumuu. Li unaak ukaaw, wo li káfulaku woon: — Awu ommuu Añiilawu ata Ateemit! Bale Yéesu li anuuloo wo ban akatut wo min ulob, mata wo uhaase woon okila ammuu Afakenaawu.

Hulimahu Hásuumaahu loon Lík akiic homuu 8:29

Lalollob loon muñaˈa mata Yéesu lanuuloonuuloo buyinum bajakutumuu min búfu’ li ánayinaawu. Buyinumabu bajakutaabu bujokewoojok ñameeŋe, min bukanabuku kuŋa’ useel min kujenk kuŋenaku li kootaku kata ánayinaawu kuyiliwum kufooyool. Bale fan anaak acac useelawu, min buyinumabu bajakutaabu bújowetumool boot ban an akinut.

Hulimahu Hásuumaahu loon Lík akiic homuu 9:42

Nan añiilawu alakomuu ebilayi, buyinumabu bajakutaabu li bubetool teetaam ban li búlilliŋenool li sembe. Bale Yéesu li anuuloo buyinumabu bajakutumuu, min afaken añiilawu ban li alaañenool asen atuubawool.

Bakaanelabu 16:18

Jísungutaaju li jikaan mo jow baj kunak. Muñeˈe Fool huuñool li hulit, gay li átiiwowul aan buyinumabu bajakutumuu: — Leeni li kajaw kata Yéesu Kilisita, úfu’ li jísungutaaju unju! Mal̥egen buyinumabu bajakutumuu li buyaan búfu’ li jo.

Eleetalayi yan Súd akiicumuu 1:9

Bale, maayeet Miseel humumool ammuu anahaanawu ata kumalakaaku, akaanut loon bukanabuku umbuku. Nan kúmuyumuu buko li Sayitaane min kulako búñakoo ehuluŋayi yata Móyiis, Miseel akaañenut agel Sayitaane. Lanoosaan bale: «Amaaŋenawu ajow ateki!»