Maak 9:17 - Jola-Kasa

¹⁷ Akee li búsukabu li aanool: — Anahaan, líŋaluliŋalul añoolom áyine, mata buyinum bajakut bújufowool bájimuu ayilaat alob.

Maak 9:17 Referencias Cruzadas

Máciya 12:22

Muñeˈe li kúŋalul Yéesu ánayine áfuume ban ayilaat alob, mata buyinum bajakut bújufowool. Yéesu li afaken ánayinaawu min jíwool li ayili álobul, li ayili foof ajuk.

Máciya 17:15

— Amaaŋen, ubonket úyiyen añoolom. Latujowetujo, ban lálallaam ŋáa’, mata lalowelo ñameeŋe li sambun, li mal.

Máciya 9:32

Nan kánayinaabuku kúl̥ubaaku káfuumeenumuu kulakomuu ejowayi, kukee li kúŋalul Yéesu an ayilaat alob mata buyinum bajakut bújufowool.

Maak 10:13

Muñeˈe bukan li kúŋalul bañiil boot bata Yéesu, mantee li aŋa’ kuŋenool awalen li buko min ásooniyeniil. Bale kúgoomaku li kutalen bukanabuku káŋalulumuu bañiilabu.

Maak 5:23

min ayaakoo Yéesu ŋáa’ aanool: — Jísungutaaju júmbaam junju li eket. Liyaaki, úbil uŋa’ kuŋeni uwalen li akila kayitee li afak li kásomutaku min aloŋ.

Maak 7:26

Anaalaawu ummu an alet asuwif. Li etaamayi yan koonemuu Síilo Feniisi labuki. Anaalaawu li ayaakoo Yéesu mantee li akesoo buyinumabu bajakutumuu búfu’ li jísungutaaju joola.

Maak 9:16

Muñeˈe Yéesu li agel̥l̥eniil aaniil: — Waa jíwonnoole li wo li buko?

Maak 9:18

Tanootan tan buyinumabu bajakutumuu bommuu bujok añiilawu, fan bubetool li etaam. Butumabu boola fan buhoohet, ban li anaak akilititen úŋiiŋawu woola. Eniilayi yoola fan esay. Liyakooyakoo kúgoomaku kooli mantee li kukesoo buyinumabu umbu bajakutumuu búfu’ li akila, bale kuyilaat.

Maak 9:25

Nan Yéesu ajukumuu búsukabu li búteyoolul, li anuuloo buyinumabu bajakutumuu aan bo: — Buyinumabe bajakutumuu bájimuu añiilawu umme ayilaat alob, ayilaat foof ajam, úfu’ li akila ban jakum ulaañen újufowool!

Hulimahu Hásuumaahu loon Lík akiic homuu 11:14

Muñeˈe Yéesu li alako kakesoo buyinum bajakut búfu’ li ánayine an bújufowe, min bújiwool ayilaat alob. Nan buyinumabu bajakutumuu búfulumuu li ánayinaawu, li ayili álobul. Búsukabu li busego feh.

Hulimahu Hásuumaahu loon Lík akiic homuu 9:38

Muñeˈe ánayine akee li álobul butiya li tut búsukabu aan: — Anahaan, liyaaki, ujuke añoolom! Okila bale libaje añiil.

Hulimahu Hásuumaahu loon Saŋ akiic homuu 4:47

Nan ánayinaawu abukumuu añiilawu ásomutumuu ajamumuu kaanaku Yéesu labilumulo li etaamayi yata Súde boot li yata Gálile, li ajow ajukool min ayaakoolool aanool ajow boot Káfeenawum ajow afaken añoolool ásomutumuu boot eket.