Maak 8:33 - Jola-Kasa

³³ Bale nan Yéesu átiiwowulumuu, li ajuke kúgoomaku koola, ban li awataten Fiyeel li sembe aanool: — Ulóyiyom, Sayitaane! Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Maak 8:33 Referencias Cruzadas

Máciya 15:23

Bale Yéesu abagut. Kúgoomaku koola li kúkoojulool min koonool: — Oonool alaañ, mata ummu min akaawemuu butiya ánabul li ololaal.

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Máciya 4:10

Yéesu li aanool: — Uyinno, Sayitaane! Hulimahu hata Ateemit hoone: «Amaaŋenawu, Ateemitawu uya balewool loote umanen, ban loote ulok boot li akila bale.»

Maak 3:34

Muñeˈe Yéesu li ajuke bukanabuku feh kabahumuu kúwooñenool, ban li aan: — Jaawom li kutuyom buko kommuu umbuku.

Maak 3:5

Yéesu li ajukeliil foofiil feh mawuñete. Li jokool foof ŋáa’ min kubajumuu uyinoo wajakut. Muñeˈe li aan ánayinaawu: — Ulaaw kaŋenaku kooli! Mal̥egen ánayinaawu li alaaw kaŋenaku, li kuyaan kufak.

Hulimahu Hásuumaahu loon Lík akiic homuu 22:61

Amaaŋenawu li átiiwowul ajuke Fiyeel súy. Fiyeel li awayil̥o hulimahu han Amaaŋenawu aloboolumuu aanool: «Fan uceeŋ oon luhaasonhaas ñoono ñáhaaji, tówum káyinaku kul̥ok síyaat.»

Hulimahu Hásuumaahu loon Lík akiic homuu 4:8

Yéesu li aanool: — Hulimahu hata Ateemit hoone: «Amaaŋenawu, Ateemitawu uya balewool loote umanen, ban loote ulok boot li akila bale.»

Hulimahu Hásuumaahu loon Lík akiic homuu 9:55

Bale Yéesu li átiiwowul ajooŋoo li buko min awateteniil.

1 Kata Koolent 5:5

jibet anawu ummu li kuŋen kata Sayitaane min ábuj eniilayi yoola, mantee yaalayi yoola li ebil efak li hunakahu nan Amaaŋenawu ammuu li abil.

Kata Fílib 3:19

Bukanabuku umbuku fan kubil kújim, mata kalaku kooliil kommuu ateemitawu ooliil. Kujoojok wahawu waateenumuu ukaaniil ñisuu loon kasal kooliil, ban li kunaak kuyinoo mata wahawu wata adunaaye bale.

1 Tímote 5:20

An akaanumuu kahoofoo, uwatatenool hákil ésukayi feh mantee kaabuku li kúkoli kakaan kahoofoo.

Eleetalayi yan Fool akiicumuu Tit 1:13

Kulimaku unku kan alobumuu, mal̥egen. Mó mújimuu, uwatateniil li sembe, mantee li kulako bukan kal̥egene li káyinenaku.

1 Fiyeel 4:1

Emmuu Kilisita lálallaam li eniilayi yoola, bukuluul foof joote kama jibaj kayinoolaku kanolaku kammuu unke: anawu álaamumuu li eniilayi yoola, labandoole li kahoofoolaku.

1 Saŋ 2:15

Jakum jifañ adunaayi li wahawu wata yo. Mata an afañumuu adunaayi, abajut húbooli hata Atuubaawu.

Búhiisenumabu 3:19

Injé fan italen ban li icolen bukanabuku feh kan ifañumuu. Mó mújimuu, loote ukaan manooman, min útiiwo uŋa’ buloŋ buwunkul.