Maak 8:22 - Jola-Kasa

²² Muñeˈe Yéesu li kúgoomaku koola li kujow boot li ésukayi yan koonemuu Betisayida. Nan kúliiŋ bomuu, bukan li kúŋalul Yéesu ánayine áfuume, ban li kuyaakoolool mantee li ago’ ánayinaawu áfuumumu.

Maak 8:22 Referencias Cruzadas

Máciya 11:21

— Katek káamak fan kulako li bukuluul jata ésukayi yata Koolasin! Katek káamak fan kulako li bukuluul jata ésukayi yata Betisayida! Mata wahawu wájaahalenimuu wakaanimuu booluul ukaaneenimuu li ésukayi yata Tiil li yata Sidoŋ, timbeen buko bakokowe kusaaku, ban li kúkannoolum búbunfa nan fiyowe, min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Máciya 14:36

Li kuyaakoo Yéesu mantee li akat kásomutumuu min kugo’ kabeyaku bale kata kañaku koola. Mal̥egen kago’ komuu feh li kufak.

Máciya 8:15

Yéesu li ago’ kaŋenaku kata anaalaawu, bújuusaabu li búfu’ li akila. Li ayito min atoofotoo Yéesu.

Máciya 8:3

Yéesu li atooken kaŋenool agolool, aban li aanool: — Lifañe. Ufak. Anáyinaawu ata háhaayeeyayi li ayaan afak.

Máciya 9:29

Muñeˈe Yéesu li agoliil li kúkil, ban li aaniil: — Jow kaanuul loon jíyinenumuu.

Maak 2:3

Kánayine kubakii li kútebul ánayine abobowe boot bata Yéesu.

Maak 3:10

Emmuu Yéesu lafakenfaken bukan kameeŋe, bukanabuku feh kásomutumuu li kulako buñuññoo mantee li kugolool.

Maak 6:45

Nan yaane fúlum tomuu, Yéesu li atuuŋ kúgoomaku koola kuŋito li busaana, min kujow ló boot kageb kaaka húwajahu, li halaabahu hata ésukayi yata Betisayida, min akila alob búsukabu min buyiisoo.

Hulimahu Hásuumaahu loon Lík akiic homuu 10:13

— Iyéno, awu Koolasin! Iyéno, awu Betisayida! Mata nokooleenumuu loon wahawu wájaahalenimuu wakaanimuu booluul, ukaaneenikaan li ésukayi yata Tiil li yata Sidoŋ, timbeen bukanabuku kakinumuu li sísukasu unsu, buko bakaanowe kusaaku min kúkannoolum búbunfa nan fiyowe. Muñowu kooteenumuu kukaan min kúhiis kaanaku kubeebet búsol buloŋabu booliil buhaanabu min kuloŋ loon Ateemit afañumuu.

Hulimahu Hásuumaahu loon Lík akiic homuu 9:10

Muñeˈe nan kufootalaku kúlaañulumuu, li kukitten Yéesu wahawu feh wan kukaanumuu. Yéesu li aŋaliil, min kuñako kujow kulako baleyiil li halaab hata ésuk yakee yan koone Betisayida.

Hulimahu Hásuumaahu loon Saŋ akiic homuu 1:44

Fílib an ata Betisayida, ésukayi yata Andele buko li Fiyeel.

Hulimahu Hásuumaahu loon Saŋ akiic homuu 12:21

Li kujow kukooj Fílib (ammuu an ata Betisayida li etaamayi yata Gálile) min koonool: — Anahaan, jifañe min jijuk Yéesu.