Maak 8:2 - Jola-Kasa

² — Líyiyenyiyen bukanabuku umbuku, mata muñeˈe baje kunak kúhaaji buko taate lí ínje, ban kubajut muñeˈe wah wan kóomi li kutiñ.

Maak 8:2 Referencias Cruzadas

Máciya 14:14

Nan Yéesu áwalowulumuu li busaanaabu, li ajuk búsuk báamak, li áyiyen min afaken kásomutumuu li buko.

Máciya 20:34

Yéesu li áyiyeniil ŋáa’. Li ago’ kúkilaku kooliil, li kuyaan kujuk ban li kunab li akila.

Máciya 9:36

Nan Yéesu ajukumuu búsukabu, li áyiyen bo, mata buyooyok ban li búyeko, loon kúgalalaan kabajut amata.

Maak 1:41

Muñeˈe Yéesu li áyiyen ánayinaawu ŋáa’. Li atooken kaŋenool agolool ban li aanool: — Lifañe. Ufak li kásomutaku kooli!

Maak 5:19

Yéesu akatutool min ánabul li akila, bale li aan ánayinaawu: — Ulaañ úbalo. Ujow bata bukani, ujow ukitteniil wahawu feh wan Amaaŋenawu akaanumuu boot li awu, li foof buu labajumuu káyiyen li awu.

Maak 6:32

Mal̥egen li kújufo li busaana buko baleyiil min kujow boot ban wayitowe.

Maak 6:34

Nan Yéesu áwalowulomuu li busaanaabu, li ajuk búsuk báamak, li áyiyen, mata bukanabuku kunokoonokoo loon kúgalalaan kabajut amata. Muñeˈe li aliiken bukanabuku wah wameeŋe.

Maak 8:3

Ilaañeniilumuu kúbalo buko batiñut, fan kulo li bútinabu, mata kukee li buko lóyiloyi ban kúfulumulo.

Maak 9:22

Ban ñameeŋe buyinumabu bajakutumuu fan bubetool li sambun naanu li mal, mantee li aket. Bale nokoomuu loon luyilo ukaan to wah ukee, úyiyenoli min ubonket úlambenoli.

Hulimahu Hásuumaahu loon Lík akiic homuu 15:20

Mal̥egen añiilawu li ayito alaañ boot bata atuubawool. «Nan añiilawu abilumuu abil, atuubawool li aŋandenool okila baloŋe li áloyi eluufayi, li áyiyenool ŋáa’. Li atey ajow kufam. Alíiŋ li aŋa’ kuŋenool agaabool ban li asaafool li ésuumahukow ló.

Hulimahu Hásuumaahu loon Lík akiic homuu 7:13

Nan Amaaŋenawu ajukumuu anaalaawu ummu, li áyiyenool ŋáa’. Li aanool: — Jakum ul̥ok!

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.

Eébulo 5:2

Alámbaawu áamakawu layilo ánaanum bukanabuku kahaasutumuu wahoowah li kájimumuu, mata akila humumool lágootogooto.