Maak 7:37 - Jola-Kasa

³⁷ Muñeˈe bukanabuku li kusego masego ŋáa’ gay li kunaak koon: — Wahoowah feh wan Yéesu akaane ujaajak ŋáa’! Maayeet kásokomuu li akaaniil min kujam, kakumbomuu li akaaniil kúlobul.

Maak 7:37 Referencias Cruzadas

Máciya 9:32

Nan kánayinaabuku kúl̥ubaaku káfuumeenumuu kulakomuu ejowayi, kukee li kúŋalul Yéesu an ayilaat alob mata buyinum bajakut bújufowool.

Maak 1:27

Bukanabuku feh li kúkoli ŋáa’, gay li kunaak kugel̥l̥enoo koon: — Kama laalu waa? Baliikene buwunkul banaboole li sembe? Anáyinaawu ummu anuuloomuu uyinumawu wajakutumuu li ukaan loon alob womuu.

Maak 2:12

Mal̥egen ánayinaawu li ayaan ayito hákil ésukayi feh, min aŋa’ bukal̥abu boola min ajow áfu’. Bukanabuku feh li kusego ban li kunaak kusal Ateemit koon: — Ujukulelutaal wah loon muñowu!

Maak 4:41

Bale kúgoomaku li kúkoli ŋáa’, min kunaak kúsuumenoo koon: — Kama laalu an buu, an emmuu maayeet élusayi li ekaan wahawu wan alobumuu, malamu foof?

Maak 5:42

Mal̥egen jísungutaaju li jiyaan jiyito min jijow. (Simit kuŋen li síl̥uba jibaje). Bukanabuku kalako tomuu feh li kúsego ŋáa’.

Maak 6:51

Muñeˈe Yéesu li aŋito atook kúgoomaku li busaanaabu, búlusabu li buyaan buweelen. Kúgoomaku li kusego ŋáa’,

Maak 7:36

Yéesu li alobiil aaniil jakum kulob mo an. Bale mo Yéesu aaneyiilumuu jakum kulob mo an, mo bukanabuku kuhaŋemuu malob mo.

Maak 8:1

No unnu, búsuk báamak li bumit buwomenoo tin Yéesu alakomuu. Emmuu bukanabuku kubajut wah wan kóomi li kutiñ, Yéesu li áhooñul kúgoomaku koola min aaniil:

Hulimahu Hásuumaahu loon Lík akiic homuu 23:41

Olola, li mal̥egenamu tottook min ubaja katekaku unke, mata wahawu wan ukaanamuu wajakutumuu újimuu li ubaja katekaku unke. Bale okila akaanut wah wajakut.

Bakaanelabu 14:11

Nan búsukabu bujukumuu wahawu wan Fool akaanumuu, li kulob butiya li elobayi yalobeyimuu li etaamayi yooliil, yammuu yata Likawoni koon: — Kuteemitaku kuŋale kambu kata an, min kúwalowul kubil kulako li alolaal!