Maak 5:7 - Jola-Kasa

⁷ ban li alob butiya aan: — Yéesu, Añiil ata Ateemit ata Haatiya, waa lufañe lí ínje? Liyaaki li kajawaku kata Ateemit, jakum úlaatenom.

Maak 5:7 Referencias Cruzadas

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Máciya 8:29

Nan kánayinaabuku kúl̥uba kufamumuu li Yéesu, li kukaaw butiya koon: — Añiil ata Ateemit, waa lufañe li óloli? Waa, lubiibil boot jálaatenoli tówum hunakahu hata batiibabu húliiŋ?

Maak 1:24

— Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi. Awu ommuu Anawu anabaawu an Ateemit áboñulumuu.

Maak 14:61

Bale Yéesu abagut. Alámbaawu ahaanawu li alaañen agel̥l̥enool aanool: — Awu ommuu Afakenaawu, Añiilawu ata Ateemit asaleyimuu?

Maak 3:11

Muñeˈe nan uyinumawu wajakutumuu ujukumuu Yéesu, li ulo hákilool ban li unaak úlobul butiya woon: — Awu ommuu Añiilawu ata Ateemit.

Maak 5:6

Muñeˈe nan ánayinaawu ajeˈe aŋandenumuu Yéesu, li atey ajow ákuntuŋ hákilool,

Maak 5:8

(Anáyinaawu lalollob kulimaku unku, mata Yéesu laanoosaan: «Buyinum bajakut, úfu’ li ánayinaawu ummu!»)

Hulimahu Hásuumaahu loon Lík akiic homuu 1:32

Fan alako an áamak, ban fan kuhooñool Añiil ata Ateemit ata Haatiya. Amaaŋenawu Ateemit fan asenool efenjeŋayi yata jáyiiyaju jata atuubawool ahaan Dayit.

Hulimahu Hásuumaahu loon Lík akiic homuu 4:34

— Aah! Yéesu ata Nasalet, waa lookoolaale? Waa lubiibil boot kájimenoli? Lihaase awu ommuu ayi: Awu ommuu Anawu anabaawu an Ateemit aboñulomuu.

Hulimahu Hásuumaahu loon Lík akiic homuu 6:35

Bale bukuluul jíbooli kulatoolawuul. Jikaaniil majake. Jicaagen bukan, ban jakum jíkangum min kulaañenuul wahawu wan jicaageniilumuu. Jikaan momuu, fan jibil jibaj busuuhen báamak, ban fan jilako bañiil bata Ateemit ata Haatiya. Mata Ateemit lásunsuum li kahaasutumuu kalaañen kaŋen, li kál̥afutumuu.

Hulimahu Hásuumaahu loon Lík akiic homuu 8:28

Nan ánayinaawu ajukumuu Yéesu, li akaaw butiya ban li ákuntuŋ hákilool min alob li sembe aan: — Waa lufañe lí ínje, Yéesu, Añiil ata Ateemit ata Haatiya? Liyaaki, jakum ulillimenom.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Bakaanelabu 16:17

Jísungutaaju unju li jinaak jínabul li Fool li óloli, mo jilobemaa butiya joon: — Kánayinaabuku umbuku kuloka kata Ateemit ata Haatiya tiya! Kubiibil min kúhiisuul bútinabu bata kafakaku!

Bakaanelabu 19:13

Li baj no Kusuwif kukee kanaake kuñaahoo li sísukasu min kunaak kukesoo uyinumawu wajakutumuu úfu’ li kásomutumuu. Muñeˈe li kufañ kuŋa’ kajawaku kata Amaaŋenawu Yéesu min kukaan wo úfu’ li bukanabuku. Li kunaak koon uyinumawu wajakutaawu: — Leenuul jífu’ li kajaw kata akila Yéesu an Fool awaaleyemuu!

Bakaanelabu 8:36

Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [

Kata Lom 16:20

Ateemit ata kásuumaay muñeˈe li agunj Sayitaane li kootaku kooluul. Kájiyaku kata Amaaŋenawu oololaal Yéesu kujow kulako li bukuluul!

Eébulo 2:14

Emmuu kama bañiilabu umbu kúl̥ahukowan koom, Yéesu humumool foof li aŋa’ bóono bata ál̥ahukowan, mantee li ájowum li eketayi yoola min ágooten Sayitaane aakumuu sembaasu sata eketayi.

Eébulo 7:1

Melikisedek okila áyii lalakowe ata ésukayi yata Salem li álamba ata Ateemit ata Haatiya tiya. Nan Abulaham alakomuu élaañumul bata hutiikahu han aheekumuu kúyiiyaku, Melikisedek li ajow kufam ban li ásooniyenool.

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.

2 Fiyeel 2:4

Li mal̥egenamu, Ateemit akatut bo muñaˈa kumalakaaku kalomuu li kahoofoo, bale labeteniibeten li Sambunasu ban li akatiil ló majenke li élimayi, min kukob hunakahu hata batiibabu.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

Eleetalayi yan Súd akiicumuu 1:6

Jiwayil̥o foof kumalakaaku kátijutumuu li huhaanaahu han Ateemit aseniilumuu, min kúkatul bó bukinabu bammuu booliil. Ateemit li ajokiil ajenk boot nanoonan akat li élimayi, min kunaak Hunakahu háamakuhu hata batiibabu.

Búhiisenumabu 12:12

Mó mújimuu, ésuumahukow ejow elako li emitayi li bukanabuku kakin dómuu! Bale búyiik bujow bulako li etaamayi li halahu! Mata Sayitaane láwalowulo boot li bukuluul, mawuñete ŋáa’. Lahaase aan taŋayi yasaŋowoolumuu efamut.»