Maak 5:39 - Jola-Kasa

³⁹ Muñeˈe Yéesu li anoken li eluufayi áliiŋ li aaniil: — Wáa újiye kágul̥uñoolaku unku li kubaj? Wáa újiye li joono li búluulen? Jísungutaaju jiketut, jímoolimooli bale.

Maak 5:39 Referencias Cruzadas

Máciya 9:24

Muñeˈe li aaniil: — Jífu’. Jísungutaaju unju jiketut, bale jímoolimooli. Kalako tomuu li kúl̥uwool.

Maak 5:38

Nan kúliiŋumuu bata Jáyilis, Yéesu li ajuk min ésukayi égul̥uñoo muñowu, min bukanabuku kulako jíl̥ok, ban li kunaak kúluulen butiya.

Maak 5:40

Bukanabuku li kulako él̥uu Yéesu. Muñeˈe Yéesu li akaaniil feh kúfu’ li eluufayi, min aŋa’ sibukoolaasu sata jísungutaaju bale, li kúgoomaku koola kúhaaji, min kunoken li káfitaku dán jísungutaaju jilakomuu.

Bakaanelabu 20:10

Fool li áwalowul áliiŋul, li ásiten min ajuke Atíkus aban, li atebool ban li aan: — Sákoluul! Lalonloŋ!

1 Kata Koolent 11:30

Wahawu unwu újimuu bukan kameeŋe li bukuluul li kúsomut kaabuku li kúgooto, ban kameeŋe li kuket.

1 Kata Tesalonik 5:10

Mata Kilisita lakeeket boot li ololaal, bájum, ulakowaal li buloŋ mantee foof li uketaal, li úloŋumaal li akila nan ammuu li abil.