Maak 5:36 - Jola-Kasa

³⁶ Bale emmuu Yéesu ákaanumut kulimaku unku, li aan Jáyilis: — Sákoli, awu úyinen bale.

Maak 5:36 Referencias Cruzadas

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 9:18

Nan Yéesu alakomuu elobayi li buko, anahaan akee ata Kusuwifaku li ákoojulool, min ákuntuŋ hákilool, ban li aanool: — Jísungutaaju júmbaam jikitekit li jiket. Bale ubil min uŋa’ kaŋeni uwalen li akila, fan áliwo.

Maak 5:22

Anáyine akee li kunahaanaku kata eluufayi yata kal̥awaku, an koone Jáyilis li áliiŋul. Nan ajukumuu Yéesu, li ákuntuŋ hákilool,

Maak 5:34

Yéesu li aanool: — Añoolom, káyinenaku kooli kufakeni. Ujow li kásuumaay ban li ufak li kásomutaku kooli.

Maak 9:23

Yéesu li aanool: — Wáa újiye li oon: «Nokoomuu loon luyilo ukaan to wah ukee?» Bajut wah wan an áyinene ayilaat akaan.

Hulimahu Hásuumaahu loon Lík akiic homuu 8:50

Bale nan Yéesu ajamumuu loon muñowu, li aan Jáyilis: — Sákoli, úyinen bale, añooli fan afak.

Hulimahu Hásuumaahu loon Saŋ akiic homuu 11:40

Yéesu li aan Maaluta: — Kama eenuti úyinenumuu, fan ujuk máyiineniyamu mata Ateemit?