Maak 5:23 - Jola-Kasa

²³ min ayaakoo Yéesu ŋáa’ aanool: — Jísungutaaju júmbaam junju li eket. Liyaaki, úbil uŋa’ kuŋeni uwalen li akila kayitee li afak li kásomutaku min aloŋ.

Maak 5:23 Referencias Cruzadas

Máciya 8:3

Yéesu li atooken kaŋenool agolool, aban li aanool: — Lifañe. Ufak. Anáyinaawu ata háhaayeeyayi li ayaan afak.

Maak 16:18

Kujokumuu sinuukayila li kuŋeniil, mantee foof li kuhob busik bamuke, wahoowah let ukaaniil. Kuŋalumuu kuŋeniil kuwalen li bukan kásomute, kúsontaaku umbuku fan kufak.

Maak 5:24

Mal̥egen Yéesu li ajow kunaboo. Búsuk báamak li bunab li akila, gay bukanabuku li kunaak kuñuññoo téetiwool.

Maak 6:13

Li kukesoo uyinum wajakut wameeŋe úfu’ li bukanabuku kan újufomuu, ban li kuŋa’ éduulij min kúsiiw bukan kameeŋe kásomute min kufakeniil.

Maak 7:32

Nan Yéesu áliiŋ bómuu, bukan kukee li kúŋalulool an ásokowe ban ayilaat alob jak, kúliiŋul li kuyaakoolool mantee li aŋa’ kaŋenool awalen li húkowahu hata ánayinaawu ásomutumuu.

Maak 8:23

Yéesu li átuk ánayinaawu áfuumumuu li kaŋen min aŋalool kúfu’ li ésukayi. Nan kúliiŋumuu tíyaŋ ésukayi, Yéesu li aŋa’ kumasaku koola áki’ li kúkilaku kata ánayinaawu áfuumumuu, ban li awalen kuŋenool li húkowahu hata ánayinaawu min agel̥l̥enool aanool: — Mantee lujuke wah ukee?

Hulimahu Hásuumaahu loon Lík akiic homuu 13:13

Muñeˈe Yéesu li aŋa’ kuŋenool awalen li anaalaawu, li ayaan ál̥aalulo acol min alako kasal Ateemit.

Hulimahu Hásuumaahu loon Lík akiic homuu 4:38

Muñeˈe Yéesu li áfulumul li eluufayi yata kal̥awaku. Li áliiŋ, li atook al̥ol Simoŋ aale bújuusa báamak babetelool. Li kuyaakoo Yéesu mantee li afakenool.

Hulimahu Hásuumaahu loon Lík akiic homuu 4:40

Nan banakabu bulomuu, bukanabuku feh kabajumuu booliil kúsomuta kata jilum janoojan, li kubil li buko boot bata Yéesu. Yéesu li awalen kuŋenool li húkow hata ásomuta anoowan min afakeniil.

Hulimahu Hásuumaahu loon Lík akiic homuu 7:12

Nan Yéesu alehenumuu kámbiilaku kata ésukayi, li ajuk bukan bátebulo ehuluŋ boot kahok. Aketaawu, jífu’ jan jaawool ahoke áyinool, abaje bale jo. Li baj bukan kameeŋe kata ésukayi kánabulo li anaalaawu.

Hulimahu Hásuumaahu loon Saŋ akiic homuu 11:3

Mali buko li Maaluta kammuu batuyaay li kuboñ kujow koon Yéesu: — Anahaan, Abukeyi an uboolaatumuu lásomuusomut.

Bakaanelabu 28:8

Atuubaawu ata Fíbiliyus akila ló mahintowe. Bújuusa bujokool búgiiwoo ló li bílitaañi. Fool li ajow ajukool min al̥aw boot li akila, ban li aŋa’ kaŋenool awalenool téeti, li afak.

Bakaanelabu 6:6

Nan kul̥usiilumuu kuban, li kuŋaliil kujow kúhiis kufootalaku, min kuŋa’ kuŋeniil kuwalen li buko, ban li kul̥aw boot li buko.

Bakaanelabu 8:17

Muñeˈe Fiyeel buko li Saŋ li kuŋa’ kuŋeniil kuwalen li buko, li kuyab Buyinumabu Banabaabu.

Bakaanelabu 9:12

Ban, lajuujuk li kahimmo ánayine akee an koone Ananiyaas, ánokenulo áliiŋul li aŋa’ kuŋenool awalen li akila mantee li alaañen ajuk.

Bakaanelabu 9:17

Muñeˈe Ananiyaas li ajow aŋej li eluufayi, li aŋa’ kuŋenool awalen li Sóol ban li aanool: — Atuyom Sóol, Amaaŋenawu Yéesu áboñulom. Okila áfulimuu li bútinabu ban ubilummuu li bo. Láboñulomboñul mantee li ulaañen ujuk, ban Buyinum Banabaabu li bulako li awu ŋáa’.