Maak 2:24 - Jola-Kasa

²⁴ Muñeˈe Kufaaliisiyeŋaku li koon Yéesu: — Fan ujuke, wáa újiye kúgoomaku kooli li koono li kakaan wah wan Eluwaayi yata Móyiis éhile kakaan li húyiiyaayahu hoololaal?

Maak 2:24 Referencias Cruzadas

Máciya 12:2

Nan Kufaaliisiyeŋaku kujukumuu loon muñaˈa, li koon Yéesu: — Fan ujuke, kúgoomaku kooli kumbuku li kakaan wah wan Eluwaayi yata Móyiis éhile kakaan li húyiiyaayahu hoololaal.

Maak 2:16

Nan bukanabuku kaliikenemuu ésukayi eluwaayi yata Móyiis kalakomuu li hujojahu hata Kufaaliisiyeŋaku, li koon kúgoomaku koola: — Kama wáa újiye Yéesu li atiñ dín dáno li kúyababuhalabu li kuhoofoolaabuku?

Maak 2:25

Yéesu li aaniil: — Kama jímusut jijanga min jihaas waa áyiiyawu Dayit akaanumuu nan aakenutumuu mutiñaay, ban akila humumool li acaalet, li kunabumuu li akila?

Maak 2:7

— Buu ánayinaawu ummu akaañene alob loon muñaˈa? Lageggel Ateemit. Ayi ayilo abonket uhoofoolawu ábute li Ateemit?

Eébulo 12:3

Jiyinoo sílaamasu san Yéesu ámuñumuu li kuŋen kata kuhoofoolaabuku, jakum bil jiyok min jíyeko.